घाटकोपर पश्चिम विधानसभेत भव्य शोभा यात्रेने गणेश चुक्कल यांच्या प्रचाराची सांगता !!
घाटकोपर, (केतन भोज) : घाटकोपर पश्चिम विधानसभा क्षेत्रामध्ये महाविकास आघाडी उद्धव बाळासाहेब ठाकरे गटाचे संजय भालेराव, मनसेचे गणेश चुक्कल तर भाजपचे राम कदम यांच्यात तिरंगी लढत होत आहे.
या विधानसभा मतदारसंघामध्ये तिन्ही पक्षांच्या उमेदवारांच्या प्रचाराच्या शेवटच्या क्षणी प्रचारांचा धुरळा उडाला आहे. मनसेचे अधिकृत उमेदवार गणेश चुक्कल यांची भव्य परिवर्तन शोभा यात्रा सोमावारी काढण्यात आली.
यावेळी घाटकोपर पश्चिम मतदारसंघामध्ये मतदारांची भेट घेत विधानसभा क्षेत्रामध्ये गणेश चुक्कल यांनी भव्य शक्तिप्रदर्शन केले. यावेळी या परिवर्तन शोभा यात्रेला कार्यकर्ते आणि नागरिकांचा उत्स्फूर्त प्रतिसाद पाहायला मिळाला असून घाटकोपर पश्चिम मधील विविध चौकांमध्ये पक्षाच्या कार्यकर्त्यांच्या माध्यमातून गणेश चुक्कल यांच्या शोभा यात्राचे स्वागत करण्यात आले. यावेळी या भव्य परिवर्तन शोभा यात्रे मध्ये महाराष्ट्रातील विविध संस्कृतीचे व परंपरेचे दर्शन घडून आले.
No comments:
Post a Comment