दुषित गटारात मरण पावलेल्या ऋतिक कुरकुटेच्या वारसांना नुकसान भरपाई द्या. यासाठी ठाणे जिल्हाधिकारी कार्यालय समोर बुधवारी निदर्शने.
ठाणे दि. १२ मे २०२५
२२ जून २०२३ रोजी कल्याणमधील तिसगाव येथे दुषित गटारात साफसफाईचे काम करताना २२ वर्षीय सफाई कर्मचारी ऋतिक कुरकुटे हा आदिवासी तरूण मरण पावला. वारंवार अर्ज विनंत्या करूनही नियमानुसार नुकसान भरपाई देण्यासाठी कल्याण डोंबिवली महानगरपालिका टाळाटाळ करीत असल्याने, ठाणे जिल्हाधिकारी व सामाजिक न्याय विभागाने दुर्लक्ष केल्याचे निषेध करण्यासाठी बुधवारी १४ मे २०२५ रोजी दुपारी ३ वाजता ठाणे जिल्हाधिकारी कार्यालयाबाहेर ऋतिक कुरकटेच्या कुटुंबियांसमवेत श्रमिक जनता संघ व म्युज फाऊंडेशन आणि ठाण्यातील विविध संघटनांचे वतीने निदर्शने आयोजित करण्यात येणार आहेत..
मुंबई उच्च न्यायालयात श्रमिक जनता संघ युनियनने जनहित याचिका (१५७०/२०२३) दाखल केली आहे. मा. मुंबई उच्च न्यायालयाच्या आदेशानंतर महाराष्ट्र शासनाने पुणे येथील सामाजिक न्याय विभागाचे आयुक्त यांची नोडल ऑफिसर म्हणून नियुक्ती केली आहे. त्यांनी कल्याण डोंबिवली महानगरपालिका प्रशासनाला व ठाणे जिल्हाधिकारी यांना निर्देश देऊनही, कल्याण डोंबिवली महानगरपालिका कारवाई करण्यात टाळाटाळ करीत आहे, त्यामुळे ऋतिक कुरकटेच्या कुटुंबियांसमवेत ठाणे जिल्हाधिकारी कार्यालय समोर निदर्शने करण्यात येणार आहे.
ठाण्यातील न्यायप्रिय नागरिक आणि संस्था संघटनांनी ऋतिक कुरकटेच्या वारसांना न्याय मिळवून देण्यासाठी मोठ्या संख्येने सहभागी व्हावे असे आवाहन श्रमिक जनता संघाचे सरचिटणीस जगदीश खैरालिया आणि म्वुज फाऊंडेशनचे राकेश घोलप यांनी केले आहे.
संपर्क __
जगदीश खैरालिया,
सरचिटणीस -श्रमिक जनता संघ
9769287233.
No comments:
Post a Comment