१३ मे २०२५ रोजी ठाण्यातील डॉ.काशिनाथ घाणेकर नाट्यगृहात ठाणेकरांसाठी खास 'प्री-वेडिंग' शो चे आयोजन……
ठाणे, प्रतिनिधी : लव मॅरेज? की अरेंज मॅरेज? लग्न करून पहावं? की लग्न करूच नये? पती पत्नी यांचं नातं कल्पनेत आणि प्रत्यक्षात कसं असतं. अलीकडचे लग्नाच्या वयाचे तरुण तरुणी या गुंत्यामध्ये अडकलेले असतात. नेमकं काय करावं? त्यांचा गोंधळ उडतो. निर्णय होत नाही. वय वाढत जातं. आणि मग एक वेळ अशी येते की आता थांबून चालायचं नाही. लग्न उशिरा झालं तरी चालेल, पण जोडीदार आयुष्यभर सोबत हवा... लग्न हा केवळ जीवनातला एक कार्यक्रम नव्हे तो दोन जीवांमधील गहिरा संवाद आहे..पदरात पडेल त्याच्याशी विवाह केलाच पाहिजे अशी वेळ तरुणांवर येते. याच मुद्द्यावरच येवनेट मल्टिमीडिया प्रा.लि. प्रस्तूत 'प्री-वेडिंग' हे मयूर योगी लिखित आणि डॉ. गणेश जनार्दन घुगरे दिग्दर्शित नाटक, लोकमान्य मल्टिपर्पज क्रेडिट सोसायटी, ठाणे आणि पु. ना. गाडगीळ ज्वेलर्स, ठाणे यांच्या सहयोगाने रंगभूमीवर येत आहे.प्रीती आणि प्रशांत. दोघेही असेच. एकमेकाला जाणून घेण्यासाठी भेटले आहेत. काय होतं या भेटीत? हे जाणून घेण्यासाठी जरूर पहा. मंगळवार, दि १३ मे २०२५, सकाळी ११ वा डॉ. काशिनाथ घाणेकर नाट्यगृह ठाणे येथे.मराठी नाटक 'प्री वेडिंग'. हा नाटकाचा स्पॉन्सर शो असल्याने मोफत तिकीट उपलब्ध आहेत.
महत्वाचे आपण १००% नाटकाला येणार असाल तरच पासेस घ्यावे, अन्यथा घेऊ नये, पासेस घेऊन जर आपण न आल्यास, सीट रिकामी - फुकट जाईल व दुसरा कोणीतरी नाटकाचा आनंद घेऊ शकतो.
मोफत पासेससाठी संपर्क: 9321183785, 8828992268
No comments:
Post a Comment