मिलिंद नगर येथे महिलेला घरात बोलावून मारहाण करत केले अश्लील कृत्य !
खडकपाडा पोलीस ठाण्यात दोघांविरोधात गुन्हा दाखल
कल्याण, संदीप शेंडगे :- कल्याण मध्ये एका महिलेला घरी बोलवुन तिला मारहाण करत तिच्यासोबत अश्लील कृत्य केले इतकेच नव्हे तर तिला जीवे ठार मारण्याची धमकी देण्यात आल्याची धक्कादायक घटना समोर आली आहे .या प्रकरणी खडकपाडा पोलीस ठाण्यात पीडित महिलेने तक्रार दाखल केली असून पोलीसांनी सुजित जाधव, संकेश शिंदे या दोघांविरोधात गुन्हा दाखल केला असून पोलिसांनी पुढील तपास सुरु केला आहे.
मिलिंदनगर परिसरात राहणाऱ्या धुणीभांडी करणाऱ्या एका महिलेला फोन खरेदी करायचा होता मात्र तिच्या नावाने कर्ज मिळत नसल्याने तिने आपल्या मैत्रिणीच्या नवऱ्याच्या नावाने फोनसाठी लोन घेतले. या कर्जाचा पहिला हप्ता देखील तिने भरला होता. दुसरा हप्ता भरण्यासठी तिला एका महिलेने घरी बोलावून घेतले. महिला त्याठिकाणी गेली असता त्या घरात सुजीत जाधव आणि संकेश शिंदे हे आधीपासून घरात बसून होते. यावेळी या महिलेच्या घरात आधीपासून थांबलेल्या संकेश शिंदे आणि सुजित जाधव या दोघांनी पीडित महिलेला लाथाबुक्क्यांनी मारहाण केली. यानंतर या महिलेचा फोन काढून घेतला हे दोघे इथवरच न थांबता त्यांनी तिच्यासोबत अश्लील कृत्य करत तिचा विनयभंग केला घडलेला प्रकार कोणाला सांगितला तर तिला जीवे ठार मारण्याची धमकी दिली .याप्रकरणी या महिलेने सुजित जाधव ,संकेत जाधव विरोधात खडकपाडा पोलिस ठाण्यात गुन्हा दाखल केला आहे .या प्रकरणी पोलिसांनी पुढील तपास सुरू केला.
No comments:
Post a Comment