पंतप्रधान नरेंद्र मोदी देशातील सर्वात शक्तिशाली व्यक्तिमध्ये पहिल्या स्थानावर !!
भिवंडी, दिं,३१, अरुण पाटील (कोपर) :
इंडियन एक्सप्रेसने २०२२ मधील १०० सर्वात शक्तिशाली व्यक्तींची यादी जाहीर झाली असून यात भारताचे पंतप्रधान नरेंद्र मोदी हे पहिल्या स्थानावर आहेत.
देशातील सर्वात शक्तिशाली व्यक्तींमध्ये यूपीचे मुख्यमंत्री योगी आदित्यनाथ यांनी गेल्या वर्षीच्या तुलनेत मोठी झेप घेतली आहे. इंडियन एक्सप्रेसने २०२२ मधील १०० सर्वात शक्तिशाली व्यक्तींची यादी जाहीर केली आहे. या यादीत पंतप्रधान नरेंद्र मोदी यांचे नाव अग्रस्थानी आहे.
क्रमांक १ नरेंद्र मोदी, पंतप्रधान (२०२२)
क्रमांक 2 अमित शहा, गृहमंत्री (२०२२)
क्रमांक 3 मोहन भागवत, संघप्रमुख (२०२२)
क्रमांक 4 जेपी नड्डा, भाजप अध्यक्ष (२०२२)
क्रमांक 5. मुकेश अंबानी, उद्योगपती (२०२२)
क्रमांक 6 योगी आदित्यनाथ, यूपीचे मुख्यमंत्री (२०२२)
यूपीचे मुख्यमंत्रीयोगी आदित्यनाथ यांनी २०२१ मधील १३ व्या स्थानावरून सहाव्या स्थानावर झेप घेतली आहे. त्यामागील कारण म्हणजे यूपीमध्ये भाजपचा शानदार विजय. २०१७ मध्ये भाजपने यूपीमध्ये पीएम मोदींच्या करिष्म्यावर निवडणूक जिंकली होती. मात्र २०२२ ची निवडणूक हा योगी आदित्यनाथ यांच्या कार्यपद्धतीवर जनतेचा निर्णय मानला जात आहे.
विशेषतः कायदा आणि सुव्यवस्था राखण्यासाठी त्यांनी ज्या पद्धतीने काम केले त्याला लोकांनी दाद दिली.पंतप्रधान नरेंद्र मोदी यांची लोकप्रियता सातत्याने वाढत असून, देशातील १०० शक्तिशाली व्यक्तींच्या यादीत ते अजूनही पहिल्या क्रमांकावर असल्याचे या यादीतून दिसून आले आहे.
कोरोना महामारीमुळे उद्भवलेले संकट आणि त्यावरील लसीचे व्यवस्थापन, विधानसभा निवडणुकीत भाजपची मजबूत झालेली स्थिती यामुळे पंतप्रधान मोदींची प्रतिमा उंचावली आहे. याशिवाय, अलीकडेच, युक्रेनमधून २२००० हून अधिक तरुण भारतीयांना घरी आणण्याच्या पंतप्रधान मोदींच्या भूमिकेचे कौतुक केले गेले आहे.
No comments:
Post a Comment