**मालमत्ता करात जेष्ठ नागरीक व दिव्यांगाना 50 % सवलत **
मुरबाड, ( मंगल डोंगरे ) : गेल्या पाच-सहा महिण्यांपुर्वी मुरबाड नगरपंचायतीच्या निवडणुका पार पडल्या, आणि भाजपाने बहुमताची आघाडी घेत सत्ता मिळवली. आणि मुरबाड करांना रामभाऊ दुधाळे यांच्या रुपाने हक्काचा नगराध्यक्ष मिळाला. नगराध्यक्ष पदी विराजमान झाल्यावर रामभाऊनी कार्यसम्राट आमदार किसनजी कथोरे साहेब यांच्या स्वप्नातील मुरबाड घडविण्यासाठी सुरुवात केली. गेल्या काही वर्षांपासून रखडलेल्या समस्या सोडविण्यासाठी त्यांनी आगेकूच केली. आणि एक एक धाडसी निर्णय ते घेऊ लागले.त्यात आज घेतलेला निर्णय म्हणजे मुरबाड करांना दिलासा देणारा असाच आहे. ज्यामध्ये शहरातील 65 वर्षावरील जेष्ठ नागरिकांना व दिव्यांग नागरिकांना मालमत्ता करात 50 ℅ टक्के सवलत देण्याचा निर्णय घेण्यात आला. या निर्णयामुळे नगराध्यक्ष रामभाऊ दुधाळे यांचे सर्वच स्तरातून स्वागत होत आहे.
आजपर्यंत अल्पावधीतच घेतलेल्या निर्णयामध्ये व केलेल्या कामांमध्ये मुरबाड शहरातील स्वच्छता, वाहतूक कोंडी, विद्युत रोषणाई, नालेसफाई, नागरिकांना व विद्यार्थ्यांना हवे असणारे दाखले तात्काळ उपलब्धता. यांसारख्या कामाकडे जाणिवपूर्वक लक्ष देण्यात आले.
भविष्यातील रखडलेले प्रकल्प लवकरात लवकर मार्गी लावण्यासाठी व स्वच्छ सुंदर "आपलं मुरबाड" यासाठी आमदार किसन कथोरे यांच्या मार्गदर्शनाखाली मुरबाड करांच्या समस्या सोडवण्यासाठी कटिबद्ध राहणार असल्याचे सांगितले.
No comments:
Post a Comment