माणगाव येथील आंतरराष्ट्रीय धम्म परिषदेचा अनुपम्य सोहळा पहावा याची देहीं याची डोळा : मुख्य संयोजक भदंत रत्न प्रिय थेरो, भदंत शांतीरत्न थेरो

माणगाव येथील आंतरराष्ट्रीय धम्म परिषदेचा अनुपम्य सोहळा पहावा याची देहीं याची डोळा : मुख्य संयोजक भदंत रत्न प्रिय थेरो, भदंत शांतीरत्न थेरो

      बोरघर / माणगाव ( विश्वास गायकवाड ) अभिधम्मा एज्यूकेशनल अँड सोशिअल ट्रस्टव्दारे रविवार १७ मार्च २०२४ रोजी सकाळी ०८ : ०० ते सायं ०६:०० या वेळात यासीन परदेशी, शमीम मुल्ला मैदान मोरबा रोड, माणगाव, जि. रायगड येथे दुस-या आंतराष्टीय बौध्द धम्म परिषदेचे आयोजन करण्यात आले आहे. या धम्म परिषदेस भारतीय बौध्द महासभेचे राष्ट्रीय कार्यध्यक्ष तथा डॉ. बाबासाहेब आंबेडकरांचे नातू मा. डॉ. भीमराव आंबेडकर हे प्रमुख पाहूणे आहेत. उपासक मा. .सी. आर. सांगलीकर परिषदेचे उद्घाटक आहेत. उपासक मा.डॉ. अनिलकुमार गायकवाड व्यवस्थापकीय संचालक महाराष्ट्र राज्य, रस्ते विकास महामंडळ हे या परिषदेचे अध्यक्ष आहेत. मा. अंकुशजी सकपाळ, स्वागतध्यक्ष असुन नरेशजी अहिरे, सुप्रसिद्ध उद्योजक आणि धम्म दान दाते सुशांत मोरे यांची प्रमुख उपस्थिती लाभणार आहे. त्यामुळे सदर आंतरराष्ट्रीय धम्म परिषद सर्व समाज बांधवांना, आंबेडकरी जनतेला, आबालवृद्ध   उपासक उपासकांना आणि समग्र धम्म अनुयायांना सद् धम्म श्रवणाची आणि आचरणाची एक आगळीवेगळी महत्त्वपूर्ण पर्वणीच आहे. त्यामुळे तमाम बौद्ध धर्मीयांनी आपापले सामाजिक गट तट, हेवेदावे, मतभेद    बाजूला ठेवून या आंतरराष्ट्रीय बौद्ध धम्म परिषदेला प्रचंड मोठ्या संख्येने उपस्थित राहून सदर आंतरराष्ट्रीय बौद्ध धम्म परिषदेचा हा अनुपम्य सोहळा सर्वांनी याची देही याची डोळा पहावा असे परिषदेचे मुख्य संयोजक भंदंन्त, रत्नप्रिय थेरो यांनी व पुज्य भंदंन्त शांतीरत्न महाथेरो आणि यांनी म्हटले आहे. 

      पुज्य भदंन्त डॉ. उपगुप्त महाथेरो आखिल भारतीय भिक्खू संघाचे कार्याध्यक्ष प्रा. डॉ. एम. सत्यपाल महाथेरो, पुज्य भदंन्त गुणरत्न महाथेरो यांचे २१ व्या शतकातील जागतिक आव्हाने आणि बुध्दाचा संदेश यावर प्रवचन देणार आहेत. डॉ. बाबासाहेब आंबेडकरांच्या मानवमुक्तींच्या लढयाचे केंद्र बिंदू असलेल्या रायगड जिल्हयात

नागोठणे, खारघर, महाड, माणगाव येथे उपासकाच्या वतीने आजपर्यंत या ठिकाणी बौध्द धम्म परिघदा संपन्न झाल्या माणगाव येथे ही भव्य दिव्य बौध्द धम्म परिषद भिक्खु संघाच्या मार्गदर्शनाखाली उपासकाच्या वतीने घेण्यात येत आहे. धम्म परिषदेमध्ये रायगड जिल्हयातील बौध्द संस्कृतीच्या खाणाखुना आणि विद्यमान बौध्दांची जबाबदारी यावर विचार मांडले जाणार आहेत. रायगड जिल्हयात धम्म, शिक्षण, आरोग्य, व्यवसाय, समाजकार्य क्षेत्रात विशेष योगदान दिलेल्या व्यक्ती आणि संस्थाचा सन्मान बौध्दजन पंचायत समितीचे कार्याध्यक्ष आनंदराज आंबेडकर आणि जेष्ठ विचारवंत प्रा. डॉ. जी. के. डोंगरगावकर यांच्या हस्ते केले जाणार आहे.

      सदर धम्म परिषदेच्या अनुषंगाने नामदेव भाई कासारे, काशिनाथ मोरे सिध्दार्थ मोरे, संजय गमरे, पत्रकार विश्वास गायकवाड, यशपाल साळवी, अॅड राकेश मोरे, संतोष मोरे, राजेश हाटे, प्रवीण बागवे, राजू तांबे, उत्तम तांबे, बाजीराव गायकवाड, रोहित सकपाळ व सिम्बॉल ऑफ नॉलेज इतर असंख्य धम्म उपासक उपासिका सदर धम्म परिषदेला यशस्वी करण्या साठी विशेष प्रयत्न करत असल्याचे पत्रकार परिषदेमध्ये मुख्य संयोजक भंदंन्त, रत्नप्रिय थेरो व मुंबई भिक्खू संघ अध्यक्ष भंदंन्त शांतीरत्न थेरो यांनी सांगितले. 

     भगवान बुध्दाची प्रतिमा आणि डॉ. बाबासाहेब आंबेडकरांचे सचित्र असलेली त्रिपिटक आणि बुध्द आणि त्यांचा धम्म व भारताचाचे संविधान असलेली धम्म रॅली सकाळी ०९:०० वाजता आहे. धम्म ध्वजारोहण, बुध्द वंदना भिक्खू संघास चिवर दान, मान्यवरांचे सन्मान व बुध्दधम्माच्या चळवळीला गतिमान करणारे तथा भारतीय बौध्दांच्या सक्षमीकरणाचा अजेंडा ठरावाच्या रुपाने या परिषदेमध्ये जाहीर केला जाणार आहे. सदर धम्म परिषदेस जनतेने सामाजिक गट तट, मतभेद, हेवेदावे   विसरून मोठ्या संख्येने उपस्थित रहावे असे आवाहन भंदंन्त, रत्नप्रिय थेरो(मुख्य संयोजक) भंदंन्त शांतीरत्न थेरो (मुंबई भिक्खू संघ अध्यक्ष) यांनी केले आहे