आ. ज्ञानेश्वर म्हात्रे सर यांचा 'शिक्षक हृदयसम्राट' पुरस्काराने होणार विशेष गौरव !!
*ईगल फाऊंडेशनच्या वर्धापन दिनानिमित्त पंढरपूर येथे १ नोव्हेंबरला सोहळ्याचे आयोजन*
शिक्षण क्षेत्रात तळमळीने आणि अविरत कार्य करणारे, शिक्षकांचा बुलंद आवाज बनलेले आ. ज्ञानेश्वर म्हात्रे सर यांना ईगल फाऊंडेशनच्या प्रतिष्ठित राष्ट्रीय स्तरावरील *'शिक्षक हृदयसम्राट'* पुरस्काराने गौरविण्यात येणार आहे.
म्हात्रे सरांचे शिक्षक आणि शिक्षण क्षेत्रातील अतुलनीय कार्य, त्यांची नीती आणि अखंड गती लक्षात घेऊन हा पुरस्कार जाहीर करण्यात आला आहे. त्यांना मानपत्र व सन्मानचिन्ह प्रदान करण्यात येणार आहे.
या पुरस्कार सोहळ्याला शिक्षण, सामाजिक, राजकीय आणि पत्रकारिता क्षेत्रातील अनेक मान्यवर उपस्थित राहणार असून त्यांच्या हस्ते म्हात्रे सरांना सन्मानित करण्यात येणार आहे. या पुरस्कारामुळे शिक्षक आणि शिक्षण क्षेत्रात आनंदाचे वातावरण असून सर्व स्तरातून त्यांच्यावर अभिनंदनाचा वर्षाव होत आहे.
*हा सोहळा रविवार, दि. १ नोव्हेंबर २०२६ रोजी सकाळी १०.३० वाजता सिंहगड कॉलेज, कोर्टी-पंढरपूर येथे पार पडणार आहे,* अशी माहिती ईगल फाऊंडेशनचे अध्यक्ष विलासराव कोळेकर व पदाधिकाऱ्यांनी निवड पत्राद्वारे दिली आहे.
No comments:
Post a Comment