Wednesday, 23 February 2022

आदर्श शिक्षिका आणि वृत्त निवेदिका ललिता मोरे राष्ट्रीय पुरस्काराने सन्मानित !!

आदर्श शिक्षिका आणि वृत्त निवेदिका ललिता मोरे  राष्ट्रीय पुरस्काराने सन्मानित !!


मुंबई, हेमंत रोकडे : 
        ठाणे जिल्ह्यात सामाजिक, शैक्षणिक आणि सांस्कृतिक क्षेत्रात भरीव कामगिरी करत असलेल्या आदर्श शिक्षिका, अभिनेत्या, समाजसेविका आणि वृत्त निवेदिका ललिता मोरे यांना एम व्ही एल ए भारत ज्योती राष्ट्रीय शिक्षा रत्न पुरस्काराने सन्मानित करण्यात आले. त्यांच्या कर्तृत्वाच्या शिरपेचात आणखी एक मानाचा तुरा रोवण्यात आला.


        ललिता मोरे ह्या शिक्षिका असून शिक्षणाच्या क्षेत्रात त्यांनी भरीव कामगिरी केल्याबद्दल त्यांना  कल्याण डोंबिवली महापालिके तर्फे आदर्श शिक्षक पुरस्काराने सन्मानित केले गेले असून याशिवाय सामाजिक, सांस्कृतिक क्षेत्रातील त्यांच्या योगदानाबद्दल त्यांना यापूर्वी जिल्हा, राज्य आणि राष्ट्र स्तरावरील अनेक पुरस्कारानी सन्मानित केले आहे, त्यांचे हे कार्य बघून मनुष्यबळ विकास लोकसेवा अकादमीच्या वतीने "भारत ज्योती राष्ट्रीय शिक्षा रत्न 2022" पुरस्कार देऊन सन्मानित करण्यात आले, हा सत्कार सोहळा दादर पश्चिम येथील दादर माटुंगा सांस्कृतिक कला केंद्र, येथे 22 फेब्रुवारी 2022 रोजी मंगळवारी संपन्न झाला. 


           पुरस्कार स्वीकारताना त्यांच्या मातोश्री शकुंतला विसावे आणि मुलगी डॉ. ऐश्वर्या मोरे हे ही स्टेजवर सोबत होत्या. डॉ. महालक्ष्मी जी, प्रेरक वक्ता मनीषा कदम, सुप्रसिद्ध कवी रमेश आव्हाड यांच्या शुभहस्ते हा पुरस्कार देण्यात आला. कृष्णाजी जगदाळे यांनी सूत्रसंचालन करताना संस्थेचे एक पदाधिकारी या नात्याने प्रत्येकाची आपुलकीने चौकशी करून मानसन्मान दिला.


       विद्यार्थ्यांच्या सर्वांगिण विकासाबरोबरच ते सुजाण नागरिक घडणे हाच खरा पुरस्कार शिक्षकांसाठी असतो.  कुठलाही पुरस्कार किंवा सन्मान ही लोकांनी आपल्या पाठीवर दिलेली कौतुकाची थाप असते, त्यामुळे हुरळून न जाता आपले काम पुढे तसेच सुरू ठेवावे, अशी प्रतिक्रिया पुरस्कारा नंतर ललिता मोरे यांनी दिली.


No comments:

Post a Comment

कोकणच्या कला संस्कृतीला वाव देण्यासाठी सुवर्ण-भास्कर नमन स्पर्धा २०२५ च्या बक्षीस वितरणचे २३ जुलैला मुंबई येथे आयोजन !!

कोकणच्या कला संस्कृतीला वाव देण्यासाठी सुवर्ण-भास्कर नमन स्पर्धा २०२५ च्या बक्षीस वितरणचे २३ जुलैला मुंबई येथे आयोजन !! ** शिवसेना नेते, वि....