👉 कल्याण, (मनिलाल शिंपी) : मुंबई विद्यापीठ ठाणे झोन क्रीडा समिती (Zone III) आणि प्रगती विद्यालय यांच्या डोंबिवली यांच्या संयुक्त विद्यमानाने आंतर महाविद्यालयीन टेबल- टेनिस स्पर्धा पुरुष व महिला दिनांक 22/8/2022 व 23/8/2022 रोजी प्रगती महाविद्यालयात आयोजित करण्यात आल्या.
या स्पर्धे करता उद्घाटन प्रसंगी प्रमुख पाहुणे डोंबिवली विभागाचे "सहाय्यक पोलीस आयुक्त श्री. सुनील कुराडे साहेब" यांच्या हस्ते पार पडले, खेळामुळे ताण तणाव कमी होतो आणि आपल्या व्यक्तिमत्त्वाचा विकास चांगल्या पद्धतीने होतो त्यामुळे प्रत्येक विद्यार्थ्याने खेळाडूने कोणता ना कोणता खेळ खेळला पाहिजे तरच भविष्यात आपल्या आरोग्य चांगले राहू शकते व आपण समाजासाठी चांगले खेळाडू घडवू शकतो असे मार्गदर्शन "सुनील कुराडे साहेबां"नी या स्पर्धेच्या उद्घाटन समारंभ रोजी केले, तर 'संस्थेचे कार्यकारणी मंडळाचे सदस्य श्री. भगवान पाटील साहेब' यांनीही खेळाडूसाठी जमा होणारा निधी चांगल्या पद्धतीने खर्च व्हावा व खेळाडूंचा त्यामध्ये विकास व्हावा यासाठी प्रत्येक खेळाडूंनी, प्राचार्यांनी प्रयत्न करायला हवे असे मार्गदर्शन केले, तसेच या स्पर्धेच्या उद्घाटन समारंभ प्रसंगी महाविद्यालयाच्या 'उपप्राचार्य डॉ. अनुजा बापट मॅडम' तसेच मुंबई लेखा विभागाचे सेवानिवृत्त कर्मचारी श्री केशव कुलकर्णी हे उपस्थित होते.
तसेच दुसऱ्या दिवशी दिनांक 23/ 8 /2022 रोजी मुलींच्या टेबल टेनिस स्पर्धा संपन्न झाल्या, या स्पर्धेचा बक्षीस वितरण समारंभ "ठाणे जिल्हा आगरी शिक्षण प्रसारक मंडळाचे अध्यक्ष श्री. जगन्नाथ जी पाटील साहेब" तसेच महाविद्यालयाच्या "प्राचार्या डॉ. ज्योती पाहुणे मॅडम" तसेच ठाणे झोन क्रीडा समिती सेक्रेटरी श्री. यज्ञेश्वर बागराव सर, निवड समिती अध्यक्ष श्री. चंद्रकांत म्हात्रे सर, क्रीडा समिती सदस्य देवयानी लढे मॅडम, गणेश मोरे सर, डॉ. देशमुख सर, आर एस पी कमांडर शिंपी सर तसेच जिमखाना चेअर पर्सन डॉ. धनंजय वानखडे यांच्या हस्ते पार पडला कार्यक्रमाचे सूत्रसंचालन क्रीडा संचालक श्री लक्ष्मण इंगळे सर यांनी केले.
No comments:
Post a Comment