आयुष्यभर गावात सफाई काम करणाऱ्या कामगार महिलेवर शौचालय मिळावे म्हणून उपोषणाची पाळी !
रावेर, प्रतिनिधी.. तालुक्यातील वघोडा बू येथील ,श्रीमती दुर्गाबाई बाबूराव रल यानी १९९० पासून आपल्या गावात ग्रामपंचायत अंतर्गत सफाई कामगार म्हणून काम करीत आहेत, अत्यंत कमी पगारावर त्यांनी काम केले, राहणीमान भत्ता ही त्यांना दिलेला नाही, तर कायदेशीर वेतन न देता तसेच प्रा. फंड वेळेवर भरणा न करता, हक्काचे घरकुल सुद्धा दिले नाही, यावरून सफाई कामगारांच्या बाबतीत पंचायतीचा दृष्टिकोन बरोबर नाही हे दिसून येते, त्यांना तात्पुरती निवास व्यवस्था म्हणून ग्रामपंचायतच्या शेडमध्ये व्यवस्था करून दिली, तेथे त्या गेल्या पंचवीस वर्षापासून राहत आहेत त्यांच्या मुलांची लग्न, पतीचे निधन त्याच ठिकाणी झाले. आता सरकारने "प्रत्येक घरी शौचालयाची योजना" आनलेली आहे. वाघोदा गावामध्ये सुद्धा ती योजना राबवली जात आहे. असे असताना सफाई कर्मचारी वयोवृध्द महिला यांनी शौचालय बांधण्यासाठी २० फुटावर खड्डे खोदले असता त्यांना शौचालय बनवण्यासाठी ग्राम पंचायत मज्जाव करीत आहे, ज्या कामगारांनी, ज्या कर्मचाऱ्यांनी मल मूत्र साफ केले, अशा कामगारांना वयोवृध्द झाल्या नंतर शौचालय नाकारणे म्हणजे अन्याय अत्याचार होय, मानवी हक्काच्या उल्लंघन आहे तरी सफाई कर्मचाऱ्यास सेवा निवृत्तीनंतर हाल होऊ नये म्हणून शौचालय बांधून द्यावे. शौचालय बांधून न दिल्यास जळगाव जिल्हा परिषद कार्यालयासमोर एक मे कामगार दिनी त्या उपोषणाला बसतील असे असा इशारा देणारे निवेदन जळगाव जिल्हाधिकारी, जिल्हा परिषद, पंचायत समिती यांना ग्रामपंचायत कर्मचारी महासंघ आयटक तर्फे कॉम्रेड अमृत महाजन यांनी दिले आहे अशी माहिती कर्मचारी महासंघाच्या पत्रकार देण्यात आली आहे. श्रीमती यांच्या उपोषणाला वाल्मिकी समाजाचे सरपंच श्री शंकरदरी संजय कंडारे दिलीप आदिवाल राजकुमार डावरे यांनी पाठिंबा दिलेला आहे निवेदनाच्या प्रती कार्यवाहीसाठी...
महाशय उपमुख्य कार्यकारी अधिकारी (ग्राम पंचायत) जळगाव जिल्हा परिषद
मा. वरिष्ठ पोलीस निरीक्षक जळगाव शहर जळगाव याना देण्यात आल्याचे पत्रकात म्हटले आहे
No comments:
Post a Comment