मोखाडा तालुक्यात खोडाळा येथे बहुजन विकास आघाडीचे मध्यवर्ती जनसंपर्क कार्यालयाचे उद्धघाटन !!

मोखाडा तालुक्यात खोडाळा येथे बहुजन विकास आघाडीचे मध्यवर्ती जनसंपर्क कार्यालयाचे उद्धघाटन !!

जव्हार, जितेद्र मोरघा -

मोखाडा तालुक्यात खोडाळा येथे बहुजन विकास आघाडीचे मध्यवर्ती जनसंपर्क कार्यालयाचे उद्घघाटन माजी खासदार बळीराम जाधव व ज्येष्ठ नेते विल्सन फर्गोस यांच्या हस्ते करण्यात आला. यावेळी माजी खासदार बळीराम जाधव यांनी बोलताना सांगितले की, हे कार्यालय लोकसभा निवडणुकीसाठीच चालू केले नाही तर हे कार्यालय 12 ही महिने जन सामान्य माणसाच्या अडीअडचणी सोडविण्यासाठी चालू केले आहे. या ठिकाणी काम घेऊन आलेल्या कार्यकर्त्यांचे कामाचे समाधान होईल तो पर्यंत पाठपुरावा केला जाईल. या कार्यालयात कोणत्याही जातीचा धर्माचा ,पक्षाचा व्यक्ती आला तरी काम केले जाईल असे सांगितले यावेळी त्यांनी 2009 ते 2014 काळात या भागात केलेल्या कामाला उजाळा दिला व तुम्ही कोणतेही काम असो मला थेट न घाबरता संपर्क करा असे सांगितले. यावेळी बहुजन विकास आघाडीचे ज्येष्ठ नेते विल्सन फर्गोस, जव्हार तालुका अध्यक्ष एकनाथ दरोडा, मोखाडा तालुका उप अध्यक्ष रमेश बोटे, सायदे गण प्रमुख अंकुश बोटे, खोडाला गण अध्यक्ष जनार्दन पाटील, गोमघर ग्रामपंचायत सदस्य नरेश पाडेकर, दिनकर ठोंबरे, चंदर बोटे, नांदगाव ग्रामपंचायत सदस्य संतोष भला, विजय वारा, योगेश पुराणे व खोडाला गटातील कार्यकर्ते उपस्थित होते.