जनतेचा विश्वासाला खरे उतरणार - सुलभा गायकवाड

जनतेचा विश्वासाला खरे उतरणार - सुलभा गायकवाड 

कल्याण, सचिन बुटाला : विधानसभा सार्वत्रिक निवडणूक प्रचाराची रणधुमाळी आता शेवटच्या टप्प्यावर आली आहे. महायुतीच्या उमेदवार सुलभा गायकवाड यांच्या प्रचारासाठी प्रभागात रॅलीचे आयोजन केले होते. ही रॅली श्रीराम टॉकीज, टाटा कॉलनी, आंबेडकर चौक, हनुमान नगर, काटेमानिवली नाका, विजयनगर नाका ते तिसाई हाऊस या मार्गावर काढण्यात आली. या रॅलीला प्रचंड जनसमुदाय लोटला होता. रॅलीत भाजपा जिल्हाध्यक्ष नाना सूर्यवंशी, पदवीधर सेल जिल्हाध्यक्ष विजय उपाध्याय, महिला मोर्चा जिल्हाध्यक्षा रेखा राजन चौधरी, जिल्हा उपाध्यक्ष अभिमन्यू गायकवाड, शिवसेना उपजिल्हा प्रमुख रमाकांत देवळेकर, उपजिल्हा संघटक राधिका गुप्ते, कल्याण पूर्व मंडळ अध्यक्ष संजय मोरे, महिला मोर्चा मंडळ अध्यक्षा सविता देशमुख, माजी नगरसेवक मनोज राय, विक्रम तरे, महादेव रायभोळे, अनंता पावशे, माजी नगरसेविका सारिका जाधव, हेमलता पावशे, संगीता गायकवाड, माधुरी काळे, मनोज माळी, दीपक गुप्ता, एकनाथ म्हात्रे, प्रकाश म्हात्रे, संतोष केंदळे, तसेच इतर मान्यवर पदाधिकारी कार्यकर्ते आणि असंख्य नागरिक उपस्थित होते. 

मतदारांशी संवाद साधताना उमेदवार सुलभा गायकवाड यांनी दादांच्या पाठी जनतेने दाखविलेला विश्वास आणि प्रेम सार्थ ठरविण्याचा विश्वास व्यक्त केला. नुकतीच कल्याण पूर्वेत सुलभा यांच्या प्रचारासाठी उपमुख्यमंत्री देवेंद्र फडणवीस यांची सभा पार पडली. या वेळी हा देवाभाऊ सुलभाताईंच्या पाठीशी खंबीर उभा असल्याचे त्यांनी सांगितले, तसेच कल्याण पू्र्व मतदारसंघातील गेल्या १५ वर्षांत विद्यमान आमदार गणपत गायकवाड यांनी उभारलेली विकासाची परंपरा अधोरेखित करत उपमुख्यमंत्री देवेंद्र फडणवीस यांनी त्यांच्या कार्याचे कौतुक केले. त्यांच्या अनुपस्थितीत हा विकासाचा प्रवाह अखंड राखण्यासाठी मतदारांनी त्यांच्या पत्नी सुलभा गायकवाड यांना पाठिंबा द्यावा, असे आवाहन केले आहे.