शिवसेना महिला आघाडीचा वतीने शिवसेना उपनेते निलेश सांबरे यांचा सत्कार......
*निलेश सांबरे साहेबांच्या मार्गदर्शनाखाली महिलांचे प्रश्न सोडवणार :- सौ.रूचिता अमित नाईक*
वसई विरार, प्रतिनिधी :- शिवसेना मुख्य नेते एकनाथजी शिंदे साहेब यांच्या नेतृत्वात शिवसेना पक्षात प्रवेश केलेल्या निलेश सांबरे साहेब यांचा वसई विरार शिवसेना महिला आघाडीच्या वतीने निवासस्थानी भेट घेत शुभेछा दिल्या.
निलेश सांबरे साहेबांनी जिजाऊ शैक्षणिक व सामाजिक संस्था’ व ‘जिजाऊ संघटने च्या माध्यमातून त्यांनी आरोग्य, शिक्षण, महिला सक्षमीकरण, रोजगार, शहरी व. ग्रामीण विकास या सर्वच क्षेत्रांत मोठे काम केले आहे. त्यांच्या प्रयत्नातून तीन मोफत मल्टीस्पेशालिटी रुग्णालय, दहा इंग्रजी माध्यमाच्या मोफत सीबीएससी शाळा, पंचवीस मोफत रुग्णवाहिका सेवा, २८ मोफत आरोग्य केंद्र आणि दोन हजारांहून अधिक शहरी व ग्रामीण भागात शाखा कार्यरत आहेत. या माध्यमातून त्यांनी लाखो लोकांपर्यंत सेवा पोहोचवली.
निलेश सांबरे यांचे सामाजिक कार्य, विशेषतः गोरगरीबांसाठी मोफत शिक्षण आणि आरोग्य क्षेत्रातील योगदान उल्लेखनीय आहे. या प्रवेशामुळे शिवसेनेची ताकद अधिक बळकट झाली आहे. शिवसेना आता पालघर जिल्हा व कोकणात निलेश सांबरे यांच्या सहभागाने अधिक बळकट होत आहे. पक्षाचा प्रभाव आणि कार्यकर्त्यांचा उत्साह यामुळे शिवसेना नव्या उंचीवर पोहोचण्याच्या तयारीत आहे. असे प्रतिपादन शिवसेना महिला आघाडी शहर संघटक रुचिता नाईक यांनी केले आहे.
रुचिता नाईक यांनी स्वखर्चातुन वसई तालुक्यात प्रथम 24 तास मोफत रुग्णवाहिका सुरू करत शेकडो रुग्णांचे प्राण वाचवत मोफत सेवा देत असतात. या रुग्णवाहिकेला निलेश सांबरे साहेब यांनी भेट देत कार्याचे कौतुक केले.
यावेळी शिवसेना महिला आघाडी शहर संघटक रुचिता नाईक, शिवसेना महिला आघाडी शहर संघटक अल्पना सोनावणे, जया गुप्ता विभाग संघटक, तृप्ती रामपुरे, निलिमा ताई, व सर्व महिला पदाधिकारी तसेच युवा शहर प्रमुख समीर गोलांबडे, अमित नाईक, सातपुते काका उपस्थित होते.
No comments:
Post a Comment