खोपटे येथील डीपी वर्ल्ड मल्टीमोड्स (काँटीनेंटल) चा कस्टम परवाना रद्द !!
** जेएनपीए कस्टम हाऊस कमिशनर बी सुमिदा देवी यांनी केली नोटीस प्रसिद्ध.
उरण दि ३, (विठ्ठल ममताबादे) : उरण मध्ये मोठया प्रमाणात गोदामे, विविध प्रकल्प कार्यरत आहेत. मात्र अनेक प्रकल्प, कंपनी मधून विविध अटी शर्तीचे उल्लंघन होताना दिसून येत आहे. उरणच्या खोपटे गावातील मेसर्स कॉन्टिनेंटल वेअरहाऊसिंग कॉर्पोरेशन (न्हावा शेवा) प्रायव्हेट लिमिटेड जी सध्या मेसर्स डीपी वर्ल्ड मल्टीमोडल लॉजिस्टिक्स प्रायव्हेट लिमिटेड म्हणून ओळखले जाते या गोदाम कंपनीचा कस्टम परवाना रद्द झाले आहे. कस्टमने घातलेल्या अनेक अटी व शर्तीचा भंग केला जात असल्याची शिक्षा म्हणून या कंपनीचा कस्टम परवानाच निलंबित करण्यात आला आहे. कस्टमने घेतलेल्या या कठोर भुमिकेचे परिसरात स्वागत केले जात असून अजूनही काही कंपन्या कस्टमच्या रडारवर असल्याची माहीती हाती आली आहे. डी पी वर्ल्डचा कस्टम परवाना निलंबित करताना कस्टमने २००९ च्या नियम ११ (२) च्या तरतुदींनुसार ही कारवाई केली असल्याची बाब जाहीर सूचनेमध्ये अधोरेखित करण्यात आली आहे. त्यामुळे कस्टमने काढलेल्या या नोटीशीच्या अनुशंगाने जोपर्यंत कस्टमचे पुढील आदेश येत नाहीत तोपर्यंत डी पी वर्ल्डचे काँटिनेंटल गोदाम इथून पुढच्या काळात आयात निर्यातीचे कोणतेही व्यवहार करू शकत नाही तसे केल्यास ते कस्टमच्या कायद्याचा उल्लंघन या सदरात मोडण्याची शक्यता आहे. न्हावा शेवा म्हणजेच जेएनपी कस्टम हाऊसच्या कमिशनर बी सुमिदा देवी यांच्या सहीने निर्गमित केकेल्या या नोटीसीद्वारे काँटीनेंटल उर्फ डी पी वर्ल्ड गोदामाचा कस्टम परवाना निलंबित करण्यात आला आहे. या नोटीसीचे उल्लंघन केले गेल्यास त्यातून थेट मालकांवर देखील कारवाई होण्याची शक्यता निर्माण झाली आहे. त्यामुळे आता काँटीनेंटल उर्फ डी पी वर्ल्डचे व्यवस्थापन नेमकी कोणती भुमिका घेतात याकडे सर्वांच्या नजरा लागल्या आहेत. या सर्व प्रकाराबाबत काँटीनेंटलचे श्री. जावेद यांच्याशी सातत्याने संपर्क साधण्याचा प्रयत्न केला मात्र फोन त्यांनी उचलले नाहीत तर व्हाटस अप मेसेजला कोणतेही उत्तर दिलेले नाही. त्यामुळे काँटीनेंटल उर्फ आत्ताच्या डी पी वर्ल्ड गोदाम खोपटे यांची नेमकी बाजू मात्र समजू शकलेली नाही.
उरण तालुक्यातील अनेक कंटेनर गोदामांकडून कस्टमच्या आणि महसुल खात्याच्या नियमांना हरताळ फासून या भागात कंटेनर गोदामांचा व्यवसाय केला जात आहे. तेरी भी चुप मेरी भी चूप अशा पद्धतीने चालणाऱ्या अशा गोदामांतील अनियमिततेचा फटका देखील अनेकांना बसत आहे. या सर्व पार्श्वभूमिवर कस्टम विभागाच्या २००९ च्या नियम ११(२) च्या कलमांतील तरतुदींना हरताळ फासले असल्याच्या अनुषंगाने न्हावा शेवा म्हणजेच जेएनपी कस्टम हाऊसच्या कमिशनर बी सुमिदा देवी यांच्या सहीने निर्गमित केलेल्या २८ ऑगस्ट २०२५ च्या एका जाहिर नोटीसीद्वारे काँटीनेंटल उर्फ डी पी वर्ल्ड गोदामाचा कस्टम परवाना निलंबित करण्यात आला आहे. निर्यातदार / आयातदार /कस्टम ब्रोकर्स / शिपिंग एजंट आणि सर्व संबंधितांना सूचित करण्यासाठी न्हावा शेवा कस्टमने २८ ऑगस्ट रोजी एक सूचना प्रसिद्ध केली असून त्यामध्ये मे कॉन्टिनेंटल वेअरहाऊसिंग कॉपोरशन (न्हावा शेवा) प्रायव्हेट लिमिटेड, ज्याला आता मेसर्स डीपी वर्ल्ड मल्टीमोडल लॉजिस्टिक्स प्रायव्हेट लिमिटेड म्हणून ओळखले जाते, त्याची कस्टम्स कार्गो सर्व्हिस प्रोव्हायडर म्हणून मान्यता २८ ऑगस्ट २०२५ च्या आदेशानुसार पुढील आदेशापर्यंत तात्काळ प्रभावाने निलंबित करण्यात आले आहे. त्यामुळे कॉन्टीनेंटल व्यवस्थापनाला हा तगडा झटका म्हणून ओळखले जात आहे. मेसर्स कॉन्टिनेंटल वेअरहाऊसिंग कॉर्पोरेशन (न्हावा शेवा) प्रायव्हेट लिमिटेड, सीएफएस जे सध्या मेसर्स डीपी वर्ल्ड मल्टीमोडल लॉजिस्टिक्स प्रायव्हेट लिमिटेड म्हणून कस्टम्स कार्गो सर्व्हिस प्रोव्हायडर (सीसीएसपी) म्हणून ओळखले जाते त्यांच्या कामकाजाच्या निलंबनामुळे निर्यातदार / आयातदारांना होणारी गैरसोय टाळण्यासाठी, निलंबनाचा आदेश जारी केल्याच्या तारखेला त्यांनी त्यांच्या कडील आयात निर्यातीसाठी च्या वस्तूंची योग्य ती खबरदारी घेण्याचे आदेश देखील या पत्राच्या अनुषंगाने देण्यात आले आहेत. त्यामुळे कॉन्टिनेंटल वेअरहाऊसिंग कॉर्पोरेशन (न्हावा शेवा) प्रायव्हेट लिमिटेड, सीएफएस जे सध्या मेसर्स डीपी वर्ल्ड मल्टीमोडल लॉजिस्टिक्स या प्रकल्पाला मात्र खूप मोठा झटका बसला आहे. या सनसनाटी प्रकाराने परिसरात आश्चर्य व्यक्त केले जात असून या प्रकल्पाचे नेमके काय होणार याबाबत परिसरात उलट सुलट चर्चा केल्या जात आहेत. या सर्व प्रकाराबाबत कंपनीची बाजू समजून घेण्यासाठी काँटीनेंटलच्या श्री. जावेद यांच्याशी त्याच बरोबर रेड्डी यांच्याशी सातत्याने संपर्क करण्याचा प्रयत्न केला मात्र त्यांनी एकाही फोनला प्रतिसाद दिलेला नाही. तर कॉन्टीनेंटलचे एच आर मॅनेजर अविनाश लोंढे यांच्याशी संपर्क साधला असता त्यांनी या प्रकाराबाबत आपल्याला काहीही माहीती नसल्याची माहीती दिली. त्यामुळे कॉन्टीनेंटल उर्फ डी पी वर्ल्ड गोदाम प्रकल्पाची नेमकी बाजू समजू शकलेली नाही. काँटीनेंटल कंपनी वर कारवाई झाल्याने इतर कंपनी व प्रकल्पचे धाबे दनाणले आहेत.
No comments:
Post a Comment