टिटवाळा येथील म्हारळ‘ गावात पिंटया उर्फ डोक्या’ची धारदार शस्त्रान हत्या !!

टिटवाळा येथील म्हारळ‘ गावात पिंटया उर्फ डोक्या’ची धारदार शस्त्रान हत्या !!

कल्याण, संदीप शेंडगे : कल्याण तालुका पोलिस स्टेशन हद्दीत असलेल्या  म्हारळगाव परिसरात गुरुवारी रात्री भीषण हत्याकांड घडले यात रविंद्र उर्फ डोक्या यशवंत अहिरे या ३० वर्षीय तरुणाची धारदार शस्त्राने वार करून निर्घृण हत्या करण्यात आल्याची धक्कादायक घटना समोर आली आहे. या प्रकरणी कल्याण तालुका पोलीस ठाण्यात खुनाचा गुन्हा दाखल करण्यात आला असून पोलिसांनी तिन्ही आरोपींना ताब्यात घेतले आहे.

मृत रविंद्र अहिरे हा म्हारळगाव परिसरात वास्तव्यास होता. त्याचा भाऊ राहुल अहिरे यांनी दिलेल्या फिर्यादीवरून पोलिसांनी गुन्हा नोंदवला आहे. या प्रकरणातील मुख्य आरोपी दीपक सुखदेव डांगे याच्यासह विजय भिडे आणि परशुराम भिडे या तिघांविरोधात खूणाचा गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपी क्रमांक एक दीपक डांगे याच्याविरोधात लता माळी नावाच्या महिलेला पोलीस ठाण्यात तक्रार करण्यास रविंद्र अहिरे याने सांगितल्याचा राग आरोपींच्या मनात होता. याच कारणातून आरोपींनी कट रचल्याचे प्राथमिक तपासात समोर आले आहे. शुक्रवार दिनांक २२ में रोजी रात्री सुमारे नऊ वाजण्याच्या सुमारास म्हारळगाव येथील मलखांब कंपाऊंड परिसरात रविंद्र अहिरे याच्यावर तिघांनी जीवघेणा हल्ला केला.

आरोपींनी धारदार शस्त्राने रविंद्रच्या पोटावर, डोक्यावर, पाठीवर चेहऱ्यावर तसेच शरीराच्या विविध भागांवर सपासप अतिशय निर्गुणपने वार केले. या भीषण हल्ल्यात रविंद्र गंभीर जखमी झाला. रक्ताच्या थारोळ्यात पडलेल्या रविंद्रला वाचविण्याचा प्रयत्न करण्यात आला, मात्र त्याचा मृत्यू झाला. घटनेनंतर परिसरात भीती आणि तणावाचे वातावरण निर्माण झाले होते.

घटनेची माहिती मिळताच कल्याण तालुका पोलिसांनी तातडीने घटनास्थळी धाव घेत पंचनामा केला. पोलिसांनी तांत्रिक तपास, स्थानिक माहिती आणि हालचालींचा मागोवा पोलिसांनी तीनही आरोपींना अटक केली आहे.