कल्याण डोंबिवली महानगरपालिकेच्या पालिकेच्या अ प्रभागात अनधिकृत बांधकामांवर धडक कारवाई !!
कल्याण, संदीप शेंडगे : पालिकेच्या अ प्रभाग क्षेत्रात सुरू असलेल्या अनधिकृत बांधकामांवर महापालिका प्रशासनाने मोठी धडक कारवाई करत 100 हून अधिक अनधिकृत खोल्या तसेच सुमारे 70 जोते जमीनदोस्त केले. या कारवाईमुळे परिसरातील अनधिकृत बांधकाम व्यावसायिकांमध्ये मोठी खळबळ उडाली आहे.
महापालिकेचे अतिरिक्त आयुक्त गोरसे तसेच सहाय्यक आयुक्त जयवंत चौधरी यांच्या उपस्थितीत ही व्यापक कारवाई करण्यात आली. कारवाईदरम्यान कोणताही अनुचित प्रकार घडू नये यासाठी मोठा पोलीस बंदोबस्त तैनात करण्यात आला होता. तसेच पालिकेचे अधिकारी, कर्मचारी, अतिक्रमण विभागाचे पथक आणि यंत्रसामग्री मोठ्या प्रमाणात सहभागी झाली होती.
पालिका प्रशासनाने दिलेल्या माहितीनुसार, संबंधित बांधकामे परवानगीशिवाय उभारण्यात आली होती. वारंवार नोटिसा देऊनही बांधकामे हटविण्यात आली नसल्याने अखेर ही कठोर कारवाई करण्यात आली.
या मोहिमेत जेसीबी आणि इतर यंत्रांच्या सहाय्याने अनधिकृत बांधकामे पाडण्यात आली. कारवाईदरम्यान परिसरात तणावपूर्ण वातावरण निर्माण झाले होते. मात्र पोलिसांच्या बंदोबस्तामुळे परिस्थिती नियंत्रणात राहिली.
No comments:
Post a Comment