रासायनिक व विनाशकारी प्रकल्प कोकणात नको; स्वतंत्र कोकण राज्य अभियानाचे संस्थापक संजय कोकरे यांची भूमिका !!

रासायनिक व विनाशकारी प्रकल्प कोकणात नको; स्वतंत्र कोकण राज्य अभियानाचे संस्थापक संजय कोकरे यांची भूमिका !! 

प्रतिनिधी | कोकण :

स्वतंत्र कोकण राज्य अभियानाचे संस्थापक संजय कोकरे यांनी कोकण परिसरात रासायनिक व पर्यावरणाला हानी पोहोचवणारे विनाशकारी प्रकल्प उभारण्यास तीव्र विरोध दर्शविला आहे. कोकणाचा नैसर्गिक वारसा, जैवविविधता, शेती, मत्स्यव्यवसाय, पर्यटन आणि स्थानिक नागरिकांचे आरोग्य यांचे संरक्षण हे सर्वोच्च प्राधान्य असले पाहिजे, असे त्यांनी स्पष्ट केले.

*अभ्यास व सहभाग आवश्यक*  

संजय कोकरे यांच्या मते, कोणताही मोठा औद्योगिक प्रकल्प राबवण्यापूर्वी पर्यावरणीय परिणामांचा सखोल अभ्यास करणे गरजेचे आहे. स्थानिक ग्रामस्थांचा सहभाग घेऊन सर्व कायदेशीर आणि पर्यावरणीय नियमांचे काटेकोर पालन व्हायला हवे. विकासाच्या नावाखाली पर्यावरणाची हानी आणि स्थानिकांच्या जीवनमानावर विपरीत परिणाम होणार नाही, याची शासनाने खात्री करावी, अशी मागणी त्यांनी केली.

*शाश्वत विकासाचे धोरण*  

स्वतंत्र कोकण राज्य अभियानाने कोकणाच्या नैसर्गिक संपत्तीचे संवर्धन, स्थानिकांच्या हक्कांचे संरक्षण आणि शाश्वत विकासाला प्राधान्य देणारे धोरण स्वीकारण्याचे आवाहन केले आहे. 

*स्पष्ट मत*  

"कोकणाचा विकास हा पर्यावरण, स्थानिकांचे हित आणि शाश्वततेला केंद्रस्थानी ठेवूनच व्हावा. रासायनिक व विनाशकारी प्रकल्पांना कोकणात स्थान नसावे," असे मत संजय कोकरे यांनी व्यक्त केले.