कल्याण पश्चिमेत पोलिसांची दंगा काबू योजना रंगीत तालीम; मॉक ड्रिलद्वारे कायदा-सुव्यवस्था राखण्याचे प्रशिक्षण !
कल्याण, प्रतिनिधी :
अपर पोलीस आयुक्त संजय जाधव यांच्या आदेशान्वये कल्याण पश्चिमेतील वासुदेव बळवंत फडके मैदानावर परिमंडळ 3 मधील पोलीस ठाण्यांचे अधिकारी व अंमलदार यांची दंगा काबू योजना रंगीत तालीम घेण्यात आली. दंगलसदृश्य परिस्थिती हाताळण्यासाठी पोलिसांना विशेष प्रशिक्षण देण्यात आले. यावेळी फडके मैदानात मॉक ड्रिलचा थरार रंगला.
*तालमीचा उद्देश*
कायदा, शांतता व सुव्यवस्था राखण्यासाठी तातडीने नियंत्रण कसे मिळवायचे याचा सराव म्हणून गुरुवारी ही रंगीत तालीम घेण्यात आली. जमाव नियंत्रण, अश्रुधुराचा वापर, लाठीमार रचना आणि जखमींना तातडीने मदत पोहोचवण्याचा सराव यात करण्यात आला.
*सहभागी अधिकारी व पथके*
सकाळी 11 ते दुपारी 2 या वेळेत पार पडलेल्या तालमीत परिमंडळ 3 मधील आठही पोलीस ठाण्यांचे अधिकारी व कर्मचारी सहभागी झाले होते.
*सहभागी, अधिकारी, कर्मचारी व साधने*
पोलीस उप आयुक्त अतुल झेंडे, सहाय्यक पोलीस आयुक्त अशोक होनमाने, खडकपाडा पोलीस स्टेशनचे वपोनी डॉ. अमरनाथ वाघमोडे, महात्मा फुले पोलीस स्टेशनचे वपोनी बलीराम परदेशी, 22 पोलीस अधिकारी, 92 पोलीस अंमलदार, 2 डीआय, 1 बिगलर, 3 सिआरएम मोबाईल, झोन 3 स्ट्रायकिंग, 1 एसआरपीएफ प्लाटून, 1 ॲम्बुलन्स, 1 फायर ब्रिगेड वाहन सहभागी झाले होते.
*तालमीचे महत्त्व*
अशा तालीमांमुळे पोलिसांची कृतीक्षमता वाढते व प्रत्यक्ष परिस्थितीत जलद निर्णय घेण्याची सवय होते. कल्याणच्या मध्यवर्ती भागात झालेल्या या तालीमीमुळे नागरिकांमध्येही पोलिसांबद्दल विश्वासाची भावना निर्माण झाली आहे, असे उपस्थित अधिकाऱ्यांनी सांगितले.
No comments:
Post a Comment