कल्याण डोंबिवली महानगरपपालिका क्षेत्रातील गोरगरीब, गरजु रूग्णांसाठी आता तज्ञ डॉक्टरांच्या सेवादेखील महापालिका रूग्णालयातील बाहय रूग्ण विभागात (OPD) उपलब्ध !
कल्याण, (कडोमपा, जनसंपर्क विभाग) : कल्याण डोंबिवली महानगरपालिकेचे बाई रूक्मिणीबाई रूग्णालय, शास्त्रीनगर रूग्णालय येथे तज्ञ खाजगी डॉक्टरांच्या पॅनलच्या माध्यमातून "1 मार्च 2021" पासून (OPD) बाहयरूग्ण विभागात रूग्णांसाठी तपासणी सुविधा उपलब्ध होणार आहेत. यामध्ये फिजीशियन नेत्रचिकित्सा, शल्यचिकित्सा, नाक कान घसा, दंत चिकित्सा तपासणी साठी तज्ञ डॉक्टरांच्या मार्फत रूग्णासाठी तपासणी सेवा पुरविल्या जाणार आहेत. महानगरपालिकेच्या रूग्णालयात आता या सुविधांची उपलब्धता केल्यामुळे सर्वसामान्य गरजू रूग्णांना दिलासा मिळणार आहे.
रूक्मिणीबाई रूग्णालयात बाहय रूग्णालय विभागात (OPD) :-
1) फिजीशियनची तज्ञ सेवा बाई रूक्मिणीबाई रूग्णालयात बुधवार आणि गुरूवार उपलब्ध होईल.
2) नेत्रचिकित्सा (Opthalmist) ची तज्ञसेवा रूक्मिणीबाई रूग्णालयात सोमवार आणि शुक्रवार उपलब्ध होईल.
3) शल्य चिकित्सा (Surgeon) ची तज्ञसेवा रूक्मिणीबाई रूग्णालयात बुधवार आणि शनिवार उपलब्ध असेल.
4) नाक, कान, घसा (ENT) ची तज्ञसेवा रूक्मिणीबाई रूग्णालयात सोमवार आणि शुक्रवार उपलब्ध असेल.
5) दंत चिकित्सा (Dental) ची तज्ञ सेवा रूक्मिणीबाई रूग्णालयात मंगळवार आणि शुक्रवार उपलब्ध असेल.
शास्त्रीनगर रूग्णालयात बाहय रूग्णालय विभागात (OPD) :-
1) फिजीशियनची तज्ञ सेवा शास्ञीनगर रूग्णालयात शुक्रवारी उपलब्ध असेल.
2) नेत्रचिकित्सा (Opthalmist) ची तज्ञसेवा शास्ञीनगर रूग्णालयात मंगळवार आणि गुरूवारी उपलब्ध असेल.
3) नाक,कान,घसा (ENT) ची तज्ञसेवा शास्ञीनगर रूग्णालयात मंगळवार आणि गुरूवारी उपलब्ध असेल.
तज्ञ खाजगी डॉक्टरांच्या मार्फत बाहय रूग्ण विभागात तपासणी सुविधा सुरू होत असल्याने सर्वसामान्य गोरगरीब, गरजू रूग्णांना दिलासा मिळणार आहे. या तज्ञ डॉक्टर सेवेचा लाभ रूग्णांनी घ्यावा असे आवाहन महापालिकेच्या वैदयकिय आरोग्य अधिकारी डॉ. अश्विनी पाटील यांनी केले आहे.
No comments:
Post a Comment