न्हावा गावदेवीची भव्य यात्रा ७ एप्रिलला गावक-यांकडून जय्यत तयारी ; यात्रेचा लाभ घेण्याचे अशोक भोईर यांचे आवाहन !

न्हावा गावदेवीची भव्य यात्रा  ७ एप्रिलला गावक-यांकडून जय्यत तयारी ; यात्रेचा लाभ घेण्याचे अशोक भोईर यांचे आवाहन !

मुंबई, (शांत्ताराम गुडेकर) :-

            देवाप्रति श्रद्धा ज्यांच्या मनात वास्तव्य करते अशा व्यक्तीना आपण आस्तिक म्हणून ओळखतो, खरे पाहिले तर मनात भाव व देवापरी भक्ती मनापासून जोपासली तर मनुष्याच्या ह्दयातच देवाचे स्थान आहे. असे म्हटले जाते. या बाबी श्रद्धाळू माणसांना पटण्याजोगा नसतात. म्हणूनच ते जेथे देवाचे मंदिर आहे तेथेच देव दर्शनाला जातात. देशभरात अनेक तीर्थक्षेत्र आहेत. त्यातही महाराष्ट्रात तिर्थक्षेत्रांची विशेष परंपरा लाभलेली आहे. या परंपरेनुसार विविध ठिकाणी जागृत देवस्थाने आहेत त्यापैकी जे.एन.पी.टी बंदर घारापुरी (एलिफंटा लेणी) यांच्यामधील न्हावा नावाचे गाव आहे. न्हावा गावामधील मंदिर महाराष्ट्रात सुप्रसिद्ध आहे.

           या गावाधील गावदेवीची यात्रा चैत्र शुद्ध कृष्ण पक्ष-१ शुक्रवार दि.७ एप्रिल २०२३ रोजी आयोजित करण्यात आली आहे. तसेच पालखी सोहळा शनिवार दि.८ एप्रिल २०२३ रोजी होणार आहे. गावामधील ग्रामस्थांनी जत्रेची विशेष तयारी झाली आहे. ग्राम सुधारक मंडळाच्या अध्यक्ष श्री.गजानन म्हात्रे व उपाध्यक्ष श्री.जयेंद्र पाटील, श्री निलेश भोईर, श्री मोरेश्वर पाटील आणि खजिनदार श्री गणेश भोईर, सहखजिनदार श्री अनंत म्हात्रे, श्री.सदानंद पाटील, श्री.सुरेश म्हात्रे आणि सदस्य, सभासद तसेच संबंधित अन्य पदाधिकऱ्यांनी यांनी विशेष मेहनत घेतली आहे. तसेच पालखी सोहळ्यांसाठी मुंबई, ठाणे व पनवेल तसेच उरण तालुक्यातील आगरी-कोळी बांधवाची मोठ्या संख्येने उपस्थित राहणार आहे. गावदेवीचे देऊळ गावकऱ्यांच्या सहभागाने बांधण्यात आले आहे. ही देवी नवसाला पावते म्हणून महाराष्ट्र व परराज्यातूनही अनेक भाविक येथे दर्शनाला येतात. गावदेवीची प्रसन्न व लोभसवाणे रुप प्रत्येक भक्ताने एकदा तरी डोळे भरून पहावे. असे आवाहन पंचरत्न मित्र मंडळाचे अध्यक्ष अशोक दामू भोईर यांनी केले आहे.