निकाल काहीही लागो,जे माझ्या मागे उभे राहिले त्यांच्या सोबत मी सदैव उभा राहणार : गणेश चुक्कल
घाटकोपर, (केतन भोज) : घाटकोपर पश्चिम विधानसभा महाराष्ट्र नवनिर्माण सेनेचे अधिकृत उमेदवार असलेले गणेश चुक्कल यांच्या मतदारसंघातील प्रचार जाहिर सभांना नागरिकांचा व विशेष म्हणजे तरुणाईचा प्रचंड प्रतिसाद मिळत आहे. यावेळी जे- जे लोक माझ्या मागे आता खंबीरपणे उभे राहतील, निवडणुकीचा निकाल काहीही असो त्यांच्या मागे ही मी तसाच त्यांच्या उत्सवासाठी त्यांच्या कोणत्याही गोष्टीसाठी मी खंबीर असेल असे जाहिर प्रचार सभेत मतदारांना उद्देशून ते बोलले. यावेळी घाटकोपर पश्चिम विधानसभा क्षेत्रातील मनसेचे सर्वच कार्यकर्ते- पदाधिकारी गणेश चुक्कल यांच्या विजयासाठी घाटकोपर पश्चिमच्या विकासाचा विडा हाती घेऊन विजयासाठी झटताना दिसत आहेत. गणेश चुक्कल यांनी या मतदासंघामध्ये अनेक विकासात्मक कामे केली आहेत तसेच तरुणाईमध्ये ही त्यांची चांगली छाप निर्माण झाली आहे, शालेय विद्यार्थ्यांसाठी ही त्यांनी अनेक चांगले उपक्रम राबवले आहेत, क्रिडा व वैद्यकीय क्षेत्रातही त्यांचे योगदान मोठे आहे. घाटकोपर पश्चिम विभागातील मंडळांच्या ते सदैव सोबत उभे असतात. विभागातील प्रत्येक गल्लीत व विभागाच्या कानाकोपऱ्यातून त्यांना प्रचारावेळी मतदारांचे प्रचंड प्रेम मिळत आहे. गणेश चुक्कल यांच्या प्राचारार्थ मनसे अध्यक्ष राज ठाकरे यांनी घाटकोपर पश्चिम येथे सभा ही घेतली होती.
No comments:
Post a Comment