भिवंडी, प्रतिनिधी : पैशांसाठी सहकारी कामगाराची हत्या करत पगार चोरून पसार झालेल्या आरोपीला जेरबंद करण्यात निजामपुरा पोलिसांना यश मिळाले आहे. साबीर अन्सारी असे हत्या करणाऱ्या आरोपीचे नाव असून हत्येनंतर तो फरार झाला होता. याप्रकरणी निजामपुरा पोलिसांच्या पथकाकडे कोणतेही पुरावे नसताना त्यांनी रेल्वे पोलीस, सीसीटीव्ही आणि स्थानिक पोलिसांच्या मदतीने कसोशीने तपास करत जम्मू काश्मीर येथे धडक देत त्याच्या मुसक्या आवळल्या आहेत.
४ फेब्रुवारी रोजी साबीरने पैशांच्या मोहापोटी कंपनीतील नीरजकुमार घाव घालून गंभीर केले. त्यानंतर नीरजकुमार याच्याकडील पैसे आणि मोबाईल घेऊन पोबारा केला. दरम्यान १८ फेब्रुवारी रोजी नीरजकुमार याचा उपचारादरम्यान मृत्यू झाला. त्यानंतर भिवंडी पोलिसांना साबीर कश्मीर येथे पळून गेल्याची माहिती मिळाली. त्यानुसार स्थानिक पोलिसांच्या मदतीने लालचौक, अनंतनाग येथील एका बेकरीतून अन्सारीला ताब्यात घेतले.
सदरची कामगिरी पोलिस उपायुक्त (भिवंडी) मोहन दहिकर, सहायक आयुक्त (भिवंडी - पश्चिम) दिपक देशमुख, वरिष्ठ पोलीस निरीक्षक (निजामपुरा पो. स्टे., भिवंडी) विश्वास डगळे यांच्या मार्गदर्शनाखाली पो. निरिक्षक (गुन्हे) गजानन जोगदंड, तपास अधिकारी सहा. पो. निरिक्षक विनोद चव्हाण, पो. निरिक्षक गणेश मुसळे, पो. उपनिरीक्षक दत्तात्रय बडगिरे, पो. स.उपनिरीक्षक राजेंद्र अल्हाट, पोहवा मारोती भारती, उमेश मेघा, पोना विकास सोनावणे, प्रविण सोनावणे, मनोज काळे, पोशि विजय ताटे, ज्ञानेश्वर कोळी, शनिप्रसाद मुंडे यांनी केली आहे.
It was a very amazing moment and the achiever was feeling good after becoming a part of the stage 🤩🤩🏅🏅🏅🏅🏅
ReplyDelete