नालासोपारात अनधिकृत बांधकामांचा विळखा....
*** सहाय्यक आयुक्त अश्विनी मोरे यांच्यावर बिल्डर लॉबीचा दबाव
नालासोपारा, प्रतिनिधी : नालासोपारा पश्चिम येथिल
टाकी पाडा करारी बाग येथिल इंदानी तलाव भोवती अनधिकृत बांधकाम जोरात सुरू आहे. अनधिकृत बांधकामांना नोटीस देऊन हि पाच मजली भव्य अनधिकृत इमारत उभी करण्यात आली आहे. या अनधिकृत बांधकांमावर कारवाई करण्याबाबत मागणी करून हि सहाय्यक आयुक्त अश्विनी मोरे कारवाई करण्यास टाळाटाळ करत असुन अनधिकृत बांधकामांना संरक्षण देण्याचे काम करत आहेत.
इंदानी तलाव भोवती अनधिकृत बांधकाम उभे केल्यामुळे बांधकाम व्यवसायिक पटेल यांच्यावर MRTP अंतर्गत गुन्हे दाखल करून हि त्याठिकाणी ५ मजली भव्य अनधिकृत इमारत उभी करून सांडपाणी व इतर कचरा या तलाव सोडल्याने तलावात घाणीचे साम्राज्य निर्माण झाले आहे.
यामुळे येथिल महापालिकेचा इंदानी तलावाचे लिलाव टेंडर कोणीच घेण्यास तयार नसल्याने महापालिकेचे दरवर्षी लाखो रूपयांचे नुकसान होते.
तलावाचे संरक्षण व सुशोभिकरण करणे हि महापालिकेची जबाबदारी असताना हि महापालिका याकडे दुर्लक्ष करत असल्याचे निदर्शनास आले आहे. प्रभाग समिती ई मध्ये अनधिकृत बांधकामाचे जाळे मोठ्या प्रमाणात वाढले आहे. अशा बांधकामांवर प्रशासनाचा अंकुश न राहिल्याने शहरात बेकायदा ईमारती, गाळे, मोबाईल टॉवर उभारले जात आहे. नियमांची पायमल्ली करून बांधकामे केली जात आहेत,
प्रभाग समिती ई मधिल अनधिकृत बांधकामे रोखण्यात आणि बिल्डरांवर कारवाई करण्यात वसई विरार महानगरपालिकेला सपशेल अपयश आल्याने रोज अनधिकृत बांधकाम वाढत चालले आहे.
प्रभाग समिती ई क्षेत्रात मोठ्या प्रमाणात अनधिकृत बांधकामे झाली असून अनेक ठिकाणी बांधकामांना परवानगी देण्यात आली आहे. तसेच श्रीप्रस्था येथिल म्हाडा रोड जवळ राजकीय नेत्याने महापालिकेच्या जागेत कंटेनर मध्ये प्रशस्त ऑफीस उघडुन याठिकाणी ५ ते ६ मुलींना कामास ठेऊन महापालिकेची जागा हडप करण्याचे काम केले आहे. याबाबत कारवाई करण्याबाबत पत्र व्यवहार करून हि १० दिवस उलटून हि कारवाई होत नसल्याचे दिसत आहे.
याबाबत अनेकवेळा कारवाई करण्याबाबत मागणी करून हि प्रभाग समिती ई चे सहाय्यक आयुक्त दखल घेत नसल्याने याउलट अनधिकृत बांधकामांना संरक्षण देण्याचे काम करत असल्याचे निदर्शनास आले. नालासोपारातील अनधिकृत बांधकाम करणाऱ्यांवर तातडीने MRTP अंतर्गत गुन्हे दाखल करून तोडक कारवाई करण्याची मागणी शिवसेना महिला शहरप्रमुख रूचिता नाईक यांनी केली आहे.
No comments:
Post a Comment