संत एकनाथ रंगमंदिर येथे २३ मे रोजी 'लोकशिव आख्यान' कार्यक्रमाचे आयोजन !!

संत एकनाथ रंगमंदिर येथे २३ मे रोजी 'लोकशिव आख्यान' कार्यक्रमाचे आयोजन !!

छ. संभाजीनगर (प्रतिनिधी):

शहरात प्रथमच आगळ्या वेगळ्या धाटणीतील 'लोकशिव आख्यान' कार्यक्रमाचे आयोजन करण्यात आले आहे. छत्रपती शिवाजी महाराजांच्या पराक्रमाचे आणि गुणगानाचे लोककलेच्या माध्यमातून सादरीकरण करणारा हा विशेष कार्यक्रम शनिवार, दि. २३ मे २०२६ रोजी रात्री ८ वाजता संत एकनाथ रंगमंदिर येथे रंगणार आहे.

महाराष्ट्रभर या कार्यक्रमाला मोठा प्रतिसाद मिळत असून, लोककला आणि शिवचरित्र यांचा संगम असलेल्या या आख्यानाची सर्वत्र चर्चा सुरू आहे. कार्यक्रमातील प्रत्येक गीतावर तरुणाई आणि महिला उत्स्फूर्तपणे नृत्य व गायनात सहभागी होत असल्याचा अनुभव आयोजकांनी व्यक्त केला आहे.

या कार्यक्रमात वासुदेव, हलगी, ढोलक, डफ, बासरी, तुणतुणे यांसारख्या पारंपरिक आणि देशी वाद्यांच्या साथीने - छत्रपती शिवाजी महाराजांचे ने गुणगान सादर करण्यात येणार - आहे. लोप पावत चाललेल्या

अनेक लोकवाद्यांचे पुनर्जीवन या कार्यक्रमातून होत असल्याचे चित्र पाहायला मिळत आहे. तसेच गण, गौळण, जोगवा यांसारख्या लोकपरंपरांसह मृदंग आणि बासरीची सुंदर जुगलबंदीही रसिकांना अनुभवता येणार आहे.

या कार्यक्रमाचे निर्माते, गीतलेखक आणि संगीतकार योगेश पाटील यांनी छत्रपती शिवाजी महाराजांचे विचार आणि पराक्रम समाजाच्या अंतिम घटकापर्यंत पोहोचावेत यासाठी विशेष परिश्रम घेतले आहेत. कार्यक्रमातील सर्व कलाकार महाराष्ट्रातील विविध ग्रामीण भाग, वाडी-वस्ती आणि दुर्गम क्षेत्रांतून सहभागी झाले असून, प्रत्येक कलाकाराने आपल्या कलेत जीव ओतला असल्याचे आयोजकांनी सांगितले.

ग्रामीण आणि लोककलावंतांना व्यासपीठ मिळावे, त्यांच्या कलागुणांना प्रोत्साहन मिळावे या उद्देशाने हा उपक्रम राबविण्यात येत आहे. या अनोख्या लोककला सोहळ्यास सहकुटुंब उपस्थित राहून कलाकारांना प्रोत्साहन द्यावे, असे आवाहन आयोजकांनी केले आहे.