सुप्रसिद्ध सिने कलाकार गायत्री मोरे यांची राष्ट्रीय रिपब्लिकन पक्षाच्या नाशिक शहर अध्यक्षा युवती आघाडी (सांस्कृतिक विभाग) पदी निवड !!
नाशिक (सचिन ननगरे) : राष्ट्रीय रिपब्लिकन पक्ष अतिशय जोमाने संपूर्ण महाराष्ट्रात रिपब्लिकन चळवळ गतिमान करण्यासाठी राष्ट्रीय अध्यक्ष अण्णासाहेब कटारे यांच्या नेतृत्वाखाली काम करीत आहे. नाशिक शहरात देखील पक्ष प्रवेश जोमाने सुरू आहे त्याच अनुषंगाने टी.व्ही सिरीयल मधील सिने अभिनेत्री गायत्रीताई मोरे यांची राष्ट्रीय रिपब्लिकन पक्षाच्या नाशिक शहर युवती आघाडीच्या अध्यक्ष पदी निवड राष्ट्रीय अध्यक्ष अण्णासाहेब कटारे यांनी जाहीर केली. गायत्रीताई मोरे यांनी विविध मराठी मालिकांमध्ये उत्कृष्टरित्या भूमिका साकारली आहे, सध्या देखील त्या स्टार प्रवाह चॅनेल च्या मालिकांमध्ये काम करत आहे. गायत्री ताई मोरे यांच्या जनसंपर्क समस्त युवा/युवतींमध्ये दांडगा असून संपूर्ण नाशिक शहरात युवक आघाडी लवकरच जोमाने मोठ्या ताकदीने उभी राहणार असे आश्वासन निवडी प्रसंगी गायत्री ताई मोरे यांनी दिले.
गायत्री ताई मोरे यांच्या निवडीने समस्त नाशिक शहरातील यांच्या संपर्कातील नागरिकांमध्ये आनंदाचे उत्साहाचे वातावरण निर्माण झाले असून, लवकरच गायत्री ताई यांच्या माध्यमातून नाशिक शहरात राष्ट्रीय रिपब्लिकन पक्षाचे "युवा जोडो" अभियानाला सुरुवात करून शहरातील युवा युवतींचे अनेक प्रश्न मार्गी लावण्यासाठी त्यांच्या खंबीरपणे पाठीशी उभे राहणार असल्याचे देखील यावेळी सांगण्यात आले.
निवडी प्रसंगी युवा नेतृत्व महाराष्ट्र राज्य बिपीन कटारे, नाशिक युवा जिल्हाध्यक्ष जितू भाऊ बागुल, सातपूर महिला अध्यक्षा मायाताई कांबळे, नितीन बोबडे आदी उपस्थित होते.
No comments:
Post a Comment