एसटी सवलतीच्या प्रवासासाठी १ ऑगस्टपासून NCMC कार्ड अनिवार्य; महिला, ज्येष्ठ नागरिकांसह सवलतधारकांना नवा नियम !!

एसटी सवलतीच्या प्रवासासाठी १ ऑगस्टपासून NCMC कार्ड अनिवार्य; महिला, ज्येष्ठ नागरिकांसह सवलतधारकांना नवा नियम !!

** डिजिटल व्यवस्थापनाला चालना; बनावट लाभार्थ्यांवर बसणार आळा, सवलतीची पडताळणी होणार अधिक सुलभ

मुंबई | सचिन ननगरे : राज्य मार्ग परिवहन (एसटी) महामंडळाने सवलतीच्या प्रवासात अधिक पारदर्शकता, अचूक पडताळणी आणि डिजिटल सुविधा उपलब्ध करून देण्यासाठी महत्त्वाचा निर्णय घेतला आहे. त्यानुसार १ ऑगस्टपासून सवलतीच्या प्रवासासाठी नॅशनल कॉमन मोबिलिटी कार्ड (NCMC) अनिवार्य करण्यात येणार आहे.

या निर्णयाची अंमलबजावणी पहिल्या टप्प्यात महिला, ज्येष्ठ नागरिक आणि अमृत ज्येष्ठ नागरिक या प्रवाशांसाठी केली जाणार आहे. त्यानंतरच्या टप्प्यात विद्यार्थी, दिव्यांग, विविध पुरस्कारार्थी तसेच इतर सर्व सवलतधारक प्रवाशांनाही एनसीएमसी कार्ड बंधनकारक करण्यात येणार आहे.

महामंडळाच्या या नव्या धोरणामुळे सवलतीच्या प्रवासाची पडताळणी अधिक सुलभ आणि पारदर्शक होईल. तसेच बनावट लाभार्थ्यांवर आळा बसण्यास मदत होणार असून, डिजिटल तंत्रज्ञानाच्या माध्यमातून प्रवाशांना जलद, सुरक्षित आणि कार्यक्षम सेवा देण्याचा उद्देश असल्याचे महामंडळाने स्पष्ट केले आहे.

महत्त्वाचे मुद्दे :

१ ऑगस्टपासून सवलतीच्या एसटी प्रवासासाठी NCMC कार्ड अनिवार्य.

सुरुवातीला महिला, ज्येष्ठ नागरिक आणि अमृत ज्येष्ठ नागरिकांना नियम लागू.

पुढील टप्प्यात विद्यार्थी, दिव्यांग आणि इतर सर्व सवलतधारकांनाही कार्ड बंधनकारक.

सवलतीच्या प्रवासात पारदर्शकता, अचूक पडताळणी आणि डिजिटल व्यवस्थापनाला चालना मिळणार.