कल्याण पश्चिमेतील आंबेडकर उद्यानाच्या विकासाला गती; 2 एकर जागेसाठी आरक्षण बदलाचे निर्देश !!
*मुंबई, दि. 20 ऑगस्ट 2026*
कल्याण पश्चिम येथील डॉ. बाबासाहेब आंबेडकर उद्यानाच्या विकासासाठी जागा उपलब्ध करून देण्याबाबत आज विधानभवन येथे महत्त्वपूर्ण बैठक पार पडली. विधानसभा उपाध्यक्ष मा. अण्णा बनसोडे यांच्या अध्यक्षतेखाली ही बैठक झाली.
*आरक्षण बदलाचा प्रस्ताव सादर करण्याचे निर्देश*
उद्यानाच्या लगत असलेली सुमारे 2 एकर जागा विकासासाठी उपलब्ध करून देण्यासाठी आरक्षण बदलाचा प्रस्ताव तातडीने शासनाकडे सादर करावा असे निर्देश विधानसभा उपाध्यक्ष अण्णा बनसोडे यांनी कल्याण-डोंबिवली महानगरपालिका प्रशासनाला दिले.
उद्यानाच्या विकासाला गती मिळावी आणि स्मार्टसिटी प्रकल्पाअंतर्गत प्रस्तावित सुशोभीकरणाचे काम प्रभावीपणे पूर्ण व्हावे यासाठी सर्व संबंधित विभागांनी समन्वयाने आवश्यक कार्यवाही करावी असेही त्यांनी स्पष्ट केले.
*बैठकीला कोण होते उपस्थित*
या बैठकीला नगरविकास विभागाचे अधिकारी, कल्याण-डोंबिवली महानगरपालिकेचे उपायुक्त, नगररचना विभागाचे अधिकारी तसेच आंबेडकरी चळवळीतील विविध संघटनांचे पदाधिकारी उपस्थित होते.
डॉ. बाबासाहेब आंबेडकर उद्यान हे कल्याणमधील महत्त्वाचे उद्यान असून त्याचा विकास झाल्यास नागरिकांसाठी मोकळी आणि प्रेरणादायी जागा उपलब्ध होणार आहे.
No comments:
Post a Comment