🇮🇳 *हिंदी दिवस व ६ वे अखिल भारतीय राजभाषा संमेलनात नागरी संरक्षण दलाची उल्लेखनीय कामगिरी* !!!

🇮🇳 *हिंदी दिवस व ६ वे अखिल भारतीय राजभाषा संमेलनात नागरी संरक्षण दलाची उल्लेखनीय कामगिरी* !!!

नवी मुंबई, वाशी : केंद्र शासन गृह विभागाच्या वतीने हिंदी दिवस व ६ वे अखिल भारतीय राजभाषा संमेलन दि. १४ व १५ सप्टेंबर २०२६ या कालावधीत सिडको प्रदर्शन केंद्र, वाशी, नवी मुंबई येथे आयोजित करण्यात आले आहे. या भव्य संमेलनासाठी देशाच्या विविध शहरांतून केंद्रीय अधिकारी, कर्मचारी व प्रतिनिधी मोठ्या संख्येने उपस्थित होते.

मा. जिल्हाधिकारी साहेब यांच्या आदेशानुसार व उपनियंत्रक श्री. विजय जाधव सर यांच्या मार्गदर्शनाखाली नागरी संरक्षण दलाच्या स्वयंसेवकांनी या महत्त्वपूर्ण कार्यक्रमात सुरक्षा व इतर आवश्यक कर्तव्ये चोखपणे बजावली.

दि. १४ सप्टेंबर २०२६ रोजी भारताचे केंद्रीय गृहमंत्री मा. अमित भाई शहा यांनी दीप प्रज्वलित करुन संमेलनाचे उद्घाटन केले व उपस्थितांना मार्गदर्शन केले. राज्याचे मुख्यमञी, उपमुख्यमंञीसह अनेक आमदार व खासदार यांची कार्यक्रमास उपस्थिती लाभली. मा.केंद्रिय गृहमंञी महोदय यांच्या उपस्थितीच्या पार्श्वभूमीवर नागरी संरक्षण दलाचे उपमुख्य क्षेत्ररक्षक, विभागीय क्षेत्ररक्षक, मानसेवी अधिकारी/पदाधिकारी व स्वयंसेवकांसह एकूण ४६ जणांनी आपले कर्तव्य चोख बजावले. तसेच सहा. उपनियंत्रक श्री.आननसिंग गढरी यांचीही उपस्थिती होती.

दि. १३ सप्टेंबर रोजी ५० नागरी संरक्षण स्वयंसेवक व मानसेवी अधिकारी/पदाधिकाऱ्यांनी कार्यक्रमस्थळी कर्तव्य बजावत संपूर्ण व्यवस्था सुरळीत ठेवण्यासाठी महत्त्वपूर्ण योगदान दिले.

या कर्तव्याची आणि नागरी संरक्षण दलाच्या कार्याची देशाच्या विविध शहरांतून आलेल्या सुमारे ७,००० हून अधिक प्रतिनिधींच्या उपस्थितीत भव्य व्यासपीठावरून प्रशंसा करण्यात आली. या कौतुकामुळे कर्तव्य बजावणाऱ्या स्वयंसेवकांमध्ये आनंद व अभिमानाची भावना निर्माण झाली. आपल्या सेवेला मिळालेली ही पोहोचपावती असल्याची भावना स्वयंसेवकांनी व्यक्त केली.

नागरी संरक्षण दलाच्या स्वयंसेवकांनी शिस्त, तत्परता, सेवाभाव आणि जबाबदारीचे उत्कृष्ट दर्शन घडवत या राष्ट्रीय स्तरावरील कार्यक्रमाच्या यशस्वी आयोजनात मोलाची भूमिका बजावली. त्यांच्या या उल्लेखनीय कार्याचे सर्व स्तरांतून कौतुक होत आहे.

समारोपीय दिवस प्रंसगी मा.विजय जाधव, उपनियंञक, नागरी संरक्षण यांनी कार्यक्रमास उपस्थित राहून तिन्ही दिवशी उत्कृष्ट कर्तव्य बजावल्याबद्दल सर्व नागरी संरक्षण स्वयंसेवक व पदाधिकारी यांना शाबासकीची थाप देऊन मार्गदर्शन केले.

Regards - DCCD, NMC, Thane.

वृत्त - विश्वनाथ राऊत सर