भाड्याचे घर’ या लघुपटाला प्रेक्षकांचा भरभरून प्रतिसाद !!
लय भारी Production प्रस्तुत “भाड्याचे घर” या भावनिक आणि कौटुंबिक लघुपटाला प्रेक्षकांकडून उत्स्फूर्त प्रतिसाद मिळत आहे.
दिग्दर्शक, संकल्पना व पटकथा प्रमोद सूर्यवंशी, कथा रेखा चंद्रकांत हरियाण, संवाद लेखन प्रमोद सूर्यवंशी व सौ. वसुधा नाईक यांनी केली असून छायाचित्रण-एडिटिंग कुणाल मगर यांनी केले आहे. यात कलाकार उत्तम कुलकर्णी, किशोरी पाटील, हरीशचंद्र दळवी, युवराज्ञी सोनवणे यांनी आपल्या अभिनयाने प्रेक्षकांची मने जिंकली आहेत.
“घर म्हणजे केवळ चार भिंती नसतात, तर माणसांच्या नात्यांनी, प्रेमाने आणि भावनांनी ते घरपण मिळवत असते” या सुंदर भावनेला स्पर्श करणारी ही कलाकृती प्रेक्षकांच्या मनात आपले स्थान निर्माण करत आहे.
काही दिवसातच या लघुपटाला २०७ लाईक आणि जवळपास ३०,००० व्ह्यूज मिळाले आहेत.
प्रत्येक लाईक ही कलाकारांचा उत्साह असून प्रत्येक कमेंट ही त्यांच्या मेहनतीला दाद आणि प्रत्येक शेअर ही कलाकृतीला मिळालेली नवी वाट आहे. कलाकार घडतात ते केवळ पडद्यावर नाही, तर रसिकांच्या प्रेमातून आणि प्रोत्साहनातूनही घडतात, अशी भावना टीमने व्यक्त केली असून सर्व रसिक प्रेक्षकांचे आभार मानले आहेत.
No comments:
Post a Comment