वेगवान निर्णय गतिमान सरकारच्या'एक रेशन एक साडी, करतायेत शेतकऱ्यांच्या भाजीपाल्याचे रक्षण, साड्या हलक्या असल्याने' कुंपणासाठी वापर?

वेगवान निर्णय गतिमान सरकारच्या'एक रेशन एक साडी, करतायेत शेतकऱ्यांच्या भाजीपाल्याचे रक्षण, साड्या हलक्या असल्याने' कुंपणासाठी वापर?

कल्याण, (संजय कांबळे) : आनंदाचा शिधा,रेशन दुकानातून गायब झाल्यानंतर मायबाप सरकारने वेगवान निर्णय घेऊन अंत्योदय योजनेत असलेल्या कुटुंबाना'एक रेशनकार्ड एक साडी, या नव्या योजनेमार्फत महिलांना मोफत साड्या वाटप केल्या, परंतु यांचा दर्जा इतका हलका निघाला की त्या अंगावर घालू शकत नाहीत, अशातच या साडीला फाँल बिंडिंगसाठी किमान पाचपट रक्कम व ब्लाऊज शिवण्यासाठी किमान ३०० रुपये खर्च येत असल्याने '४ आण्यांची कोंबडी व १२ आण्यांचा मसाला, अशी परिस्थिती निर्माण होत असल्याने या महिलांनी या साडीचा उपयोग मोकाट व भटक्या जनावरापासून भाजीपाला पिकांचे संरक्षण करण्यासाठी'कुपंण,म्हणून केल्याने हा सध्या चर्चेचा विषय ठरत आहे.

राज्यातील  गतिमान सरकारने वेगवान निर्णय घेऊन शेकडो योजनांची घोषणा केली, यातील बहुतांश योजना या तितक्याच वेगाने बंद पडल्या/गायब झाल्या, त्यापैकी एक'आनंदाचा शिधा, यामुळे जनतेमध्ये संताप पसरला, हा रोष कमी करण्यासाठी पुन्हा मायबाप सरकारने अंत्योदय योजनेतील महिलांना'एक रेशनकार्ड एक साडी, मोफत दिवाळी भेट दिली, यासाडीची किंमत ४०० रुपयांच्या आसपास असल्याचे सांगितले जाते, परंतु हिचा दर्जा, कापड पाहिले तर मार्केटमध्ये याची किंमत ५० किंवा १०० रुपये असू शकते, ती इतकी पातळ आहे की यातून अंगप्रदर्शन होऊ शकते, याशिवाय यासाडीला फाँल बिडिंग व ब्लाऊज शिवण्यासाठी किमान पाच पट खर्च येवू शकते, त्यामुळे हा प्रकार म्हणजे चार आण्यांची कोंबडी व बारा आण्यांचा मसाला असा असल्याने या साड्यांच्या उपयोग शेतकऱ्यांनी भाजीपाला पिकांचे मोकाट जनावरे (गायी, म्हशी, शेळ्या) कुत्रे, मांजरी आणि ससे यांच्या पासून संरक्षण करण्यासाठी'कुपंण, म्हणून केल्याचे शिवारात दिसून येत आहे,

कल्याण ग्रामीण भाग, वाशिंद, शहापूर, अजनूप, कसारा, मुरबाड, माळशेज घाट या परिसरात याचे अधिक प्रमाण जाणवते,

कल्याण मध्ये १५ हजार ८१५ कार्डधारक आहेत, अंबरनाथ १४ हजार ३९९, मुरबाड ३७ हजार १८६, शहापूर ५२ हजार २१० आणि भिवंडी मध्ये ४९ हजार २३६ रेशनकार्ड धारक आहेत. मुरबाड मध्ये २९७ दुकानातून ११ हजार ५९२ साड्या वाटप करण्यात आल्या आहेत. एकूण १ लाख ६८ हजार ८४६ रेशनकार्ड असून राज्यातील २४ लक्ष महिलांना मोफत साड्या वाटल्या आहेत, परंतु जुलै २०२६ मध्ये राज्य सरकारने वस्त्रोद्योग विभागामार्फत शासन निर्णय जारी करून ही योजनाच बंद केली आहे. त्यामुळे ज्या महिलांना या साड्या मिळाल्या असतील त्यांनी त्याचे काय केले असेल हे त्यांनाच माहिती? याबाबत कल्याण तालुक्यातील एका रेशनदुकानदाराला विचारले असता ते म्हणाले, माझ्या दुकानात १२९ अंत्योदय लाभार्थी आहेत, साडीचे कापड फारच निकृष्ट दर्जाचे असल्याने महिला साड्या घ्यायला तयार नव्हत्या पण आम्ही वाटप केले, तर कृषी अधिकारी बाबासाहेब शिंदे यांनी सांगितले की, पक्षी भाजीपाल्याची कोवळी रोपे उपटतात, किंवा फळे टोचतात, परंतु साड्यांच्या रंगीबेरंगी पडद्यामुळे पक्षी पिकाकडे येण्याचे टाळतात, शिवाय पांढरीमाशी किंवा इतर काही उडणारे कीटक साड्यांच्या अडथळ्यामुळे थेट पिकांपर्यत पोहचू शकत नाही.