शहापूर मृद व जलसंधारण विभागाने शाई नदीवर चुकिच्या ठिकाणी अनाधिकृत पणे बंधारा बांधल्याने खरांगणच्या शेतकऱ्यांवर ओला दुष्काळ, शेतीच वाहून गेल्याने वयोवृद्ध आजी' जिवंत, असल्याचा पुरावा म्हणून पोहचली कार्यालयात !

शहापूर मृद व जलसंधारण विभागाने शाई नदीवर चुकिच्या ठिकाणी अनाधिकृत पणे बंधारा बांधल्याने खरांगणच्या शेतकऱ्यांवर ओला दुष्काळ, शेतीच वाहून गेल्याने वयोवृद्ध आजी' जिवंत, असल्याचा पुरावा म्हणून पोहचली कार्यालयात !

कल्याण, (संजय कांबळे) : शासनाचे अधिकारी व ठेकेदार काय करु शकतात याचे धक्कादायक व संतापजनक प्रकरण नुकतेच समोर आले असून शहापूर मृद व जलसंधारण विभागाने कोणत्याही शेतकऱ्यांची, ग्रामस्थांची,ग्रामपंचायतीची परवानगी न घेता तेथील शेतकऱ्यांची मागणी नसताना शाई नदीवर चुकीच्या ठिकाणी साधारणपणे १ कोटी रुपये खर्च करून केटी सिंमेट बंधारा बांधला, यामुळे पाण्याचा फुगवटा निर्माण होऊन नदीचा प्रवाह बदलला आणि येथील वयोवृद्ध महिला शेतकरी सोनूबाई वाळकू हरड, सुमनबाई धोंडू हरड, आण्णा बाबू हरड, हरि धोडू हरड, गणपत वाळकू हरड, आदी ३० ते ४० शेतकऱ्यांची भात शेतीच वाहून गेली. त्यामुळे यांच्यावर पाणी असून'ओला दुष्काळ, ओढावला आहे, याहूनही संतापजनक व चिड आणणारी घटना म्हणजे या वयोवृद्ध आजीची मुले ही तक्रार करण्यासाठी शहापूर येथील मृद व जलसंधारण कार्यालयात गेली असता तक्रारदार 'आजी जिवंत, असलेल्याचा पुरावा मागू लागल्याने या माउलीला, उठता बसता, चालता येत नसताना तिला कार्यालयात न्हावे लागल्याने परिसरात संताप पसरला आहे,

शहापूर तालुक्यातील शाई नदीच्या काठावर खरांगण हे छोटे ठुमदार गाव वसलेले आहे, शहरापासून अगदीच लांब असल्याने शेती हा एकमेव पर्याय उदरनिर्वाहाचा बनला आहे, याच गावातील वाळकू हरड, सोनूबाई हरड व त्यांचे कुटूंबियाची नदीच्या पात्रापासून ५० ते १०० मीटर अंतरावर माळरान व भात शेती आहे, त्यामध्ये भुईमूग, मुग, उडिद, नागली, नाचणी, व भाजीपाला पिके घेतली जात होती, वाळकू हरड यांचे निधन झाल्यावर कुंटूबाची सर्व जबाबदारी सोनूबाई हरड यांच्या वर खाली, ३०/४० लोकांचा परिवार याच शेतीवर अवलंबून असताना अचानक काही महिन्यात पुर्वी शाई नदीवर सुमारे ९८ लक्ष ते १ कोटी रुपयांचा केटी बंधारा बांधण्यात आला, विशेष म्हणजे याबाबत येथील कोणत्याही शेतकऱ्यांनी आम्हांला बंधारा पाहिजे अशी मागणी केली नाही, ग्रामस्थांना, ग्रामपंचायतीला विचारले नाही, आणि महत्त्वाचे या परिसरात अगोदरच ३ ते ४ बंधारे असताना हा बंधारा केवळ ठेकेदार व अधिकां-याचे खिशे भरण्यासाठी बांधल्याचा आरोप होत असून यामुळे या शेतकऱ्यांची भातलागवड वाहून गेली आहे. ऐवढे होऊनही ज्या उद्देशासाठी बंधारा बांधला तो साध्य झाला नाही, कारण बंधाऱ्याच्या बाजूचा सर्व किनारा वाहून गेल्याने पाणी देखील वाहून जात आहे.

या आजीची मुले रमेश हरड, गणपत हरड यांनी याविरोधात शहापूर कार्यालयात तक्रार दाखल करण्यासाठी गेले असता सोनूबाई हरड या जिवंत असल्याचा पुरावा मागीतला, त्यामुळे अगोदरच वैतागलेल्या मुलांनी चक्क आईलाच कार्यालयात नेले व अधिका-यासमोर उभं केलं? त्यामुळे काय म्हणावं या निर्दयी अधिका-यांना?

राज्याचे मुख्यमंत्री राज्यात कोरडा दुष्काळ जाहीर करतात, हंबरडा फोडणा-या शेतकऱ्यांला छातीशी कवटाळतात, आणि दुसरीकडं त्यांचे अधिकारी उठता बसता, चालता येत नसणाऱ्या वयोवृद्ध महिला शेतकऱ्यांला जिवंत असल्याचा पुरावा मागतात, !मात्र या विरोधात आजीने देखील कंबर कसली असून प्रंसगी जीव गेला तरी उपोषण करणार असा इशारा दिला आहे.

*प्रतिक्रिया

*सोनूबाई हरड (तक्रारदार) वयोवृद्ध आजी (खरांगण) शहापूर -

जवळपास ६ एकरच्या आपसात आमची शेती असून त्यामध्ये भात, भुईमूग, उडिद, मुग आदी पिके घेत होतो, परंतु आता शेतीच वाहून गेल्याने जगणं मुश्कील झाले आहे.

*संदिप हरड (तरुण शेतकरी) खरांगण -

तक्रार केल्यानंतर ता विभागाच्या महिला अधिकारी आल्या, आम्हांला कोणत्याही प्रकारची विचारणा केली नाही, संपर्क केला नाही, ठेकेदारांशी संगणमत करून निघून गेल्या.

*गणपत हरड (शेतकरी) - हा बंधारा एका वन कर्मचाऱ्यांशी संगणमत करून बांधला असल्याचा आम्हांला संशय असून यामध्ये मोठ्या प्रमाणात भ्रष्टाचार झाला आहे.