ज्येष्ठ अभिनेते नाना पाटेकर यांच्यावर डोणजे येथे शासकीय इतमामात अंत्यसंस्कार !!

ज्येष्ठ अभिनेते नाना पाटेकर यांच्यावर डोणजे येथे शासकीय इतमामात अंत्यसंस्कार !!

*पुणे, विनोद गिरी:* ज्येष्ठ अभिनेते नाना पाटेकर यांच्या पार्थिवावर आज डोणजे येथे शासकीय इतमामात अंत्यसंस्कार करण्यात आले. तत्पूर्वी मुख्यमंत्री देवेंद्र फडणवीस यांनी पुण्यात त्यांच्या पार्थिवाचे अंत्यदर्शन घेऊन कुटुंबीयांची भेट घेत सांत्वन केले.

याप्रसंगी उपमुख्यमंत्री एकनाथ शिंदे, उपमुख्यमंत्री सुनेत्रा पवार, केंद्रीय राज्यमंत्री रामदास आठवले, केंद्रीय राज्यमंत्री मुरलीधर मोहोळ, उच्च व तंत्रशिक्षण मंत्री चंद्रकांतदादा पाटील, उद्योगमंत्री उदय सामंत, राज्यमंत्री माधुरी मिसाळ यांच्यासह विविध क्षेत्रांतील मान्यवरांनी पार्थिवाचे अंत्यदर्शन घेऊन पुष्पचक्र अर्पण करत श्रद्धांजली वाहिली.

यावेळी खासदार सुनील तटकरे, माजी मंत्री अर्जुन खोतकर, आमदार सदाभाऊ खोत, आमदार भाई जगताप, हेमंत पाटील, अनिकेत तटकरे, गोपीचंद पडळकर, अमित गोरखे, भिमराव तापकीर, आदर्श गाव संकल्प व प्रकल्प समितीचे कार्याध्यक्ष पोपटराव पवार, महापौर मंजुषा नागपुरे, सभापती युवराज काकडे, मुख्य कार्यकारी अधिकारी गजानन पाटील, विशेष पोलीस महानिरीक्षक रंजन कुमार शर्मा, अन्न व औषध प्रशासन आयुक्त तुकाराम मुंडे, पोलीस अधीक्षक संदीप सिंह गिल्ल यांच्यासह मान्यवर उपस्थित होते.

अंत्यसंस्कारापूर्वी डोणजे येथे पार्थिवाचे अंत्यदर्शन घेण्यासाठी नागरिक, कलाकार, सामाजिक क्षेत्रातील व्यक्ती आणि चाहते मोठ्या संख्येने उपस्थित होते. सर्वांनी भावपूर्ण श्रद्धांजली अर्पण केली. यावेळी पोलीस दलाच्या वतीने शासकीय इतमामात मानवंदना देण्यात आली.