.वन्य-जीव सप्ताह निमित्ताने विद्यार्थ्यांच्या माहितीसाठी व्याख्यान संपन्न !

वन्य-जीव सप्ताह निमित्ताने विद्यार्थ्यांच्या माहितीसाठी व्याख्यान संपन्न !

      द इन्स्टिट्यूट ऑफ एन्व्हायरमेंटल आर्किटेक्चर आणि रिसर्च, शिवाई बालक मंदिर विद्यालय, प्लॅन्ट अँड ॲनिमल वेलफेअर सोसायटी यांच्या वतीने वन्यजीव सप्ताह निमित्ताने व्याख्यान आज मंगळवारी शिवाई बालक मंदिर विद्यालय (डोंबिवली) येथे आयोजित करण्यात आले होते. विद्यार्थ्यांना वन्यजीव संदर्भात माहिती व्हावी हा या व्याख्यानाचा मुख्य उद्देश होता. पॉज (Plant and Animel welfare Society) या संस्थेचे वन्यजीव रक्षक श्री ऋषिकेश सुरसे यानी स्लाईड शो द्वारे सर्व विषारी/बिनविषारी सापांच्या विविध जाती व त्यांच्या नावासहीत सर्व माहिती सांगितली. 

           सदर कार्यक्रमास श्री अविनाश कुबल (माजी डेप्युटी डायरेक्टर - महाराष्ट्र नेचर पार्क, सायन, मुंबई), श्री राजीव तायशेटे  (अध्यक्ष द इन्स्टिट्यूट ऑफ एन्व्हायरमेंटल आर्किटेक्चर अँड रिसर्च), श्री विजय घोडेकर (सॉलिड वेस्ट मॅनेजमेंट तज्ज्ञ), डॉ सुनील पुणतांबेकर (अध्यक्ष, नानासाहेब पुणतांबेकर स्मृती न्यास), सौ मिताली इनामदार (मुख्याध्यापिका शिवाई बालक मंदिर विद्यालय), सौ रेखा पुणतांबेकर (माजी मुख्याध्यापिका टिळकनगर विद्या मंदिर), राजू नलावडे (सामाजिक कार्यकर्ते व पर्यावरण प्रेमी), राज मारू (संचालक,पॉज PAWS संस्था) तसेच शिवाई बालक मंदिर विद्यालय याचे शिक्षक व विद्यार्थी वर्ग इत्यादी उपस्थित होते.

वृत्त - राजू नलावडे (डोंबिवली)