जळगाव, अखलाख देशमुख : शहरातील छत्रपती शिवाजी नगर परिसरातील ८० फुटी कानळदा रिंगरोडवर राधाकृष्ण नगर चौक येथे नव्याने उभारण्यात आलेल्या ‘सुरेश कलेक्शन्स् अॅण्ड क्रिएशन’च्या भव्य ७ मजली वास्तूचा घटस्थापनेच्या शुभमूहूर्तावर शुभारंभ झाला. यानिमित्ताने मंगळवार, दि. २७ सप्टेंबर २०२२ रोजी दुपारी शहराच्या प्रथम नागरिक व महापौर तथा जळगाव जिल्हा मध्यवर्ती सहकारी बँकेच्या संचालिका व जळगाव जिल्हा सरकारी नोकरांची सहकारी पतपेढीच्या तज्ज्ञ संचालिका सौ.जयश्री सुनिल महाजन यांनी सदिच्छा भेट देऊन संचालक मुकेश ग्यानचंदजी हासवानी यांना पुष्पगुच्छ देऊन शुभेच्छा दिल्यात.
याप्रसंगी महापौर सौ. महाजन यांनी दालनातील सर्व मजल्यावर साकारलेली विविध वस्त्रांच्या श्रृंखलेचे अवलोकन करीत सोयी-सुविधा तसेच उत्पादनांची माहिती सविस्तर जाणून घेतली.
शहरवासियांसोबतच जिल्ह्यातील सर्वसामान्यांपासून मध्यमवर्गीय तसेच उच्चभ्रूंसाठी उपयुक्त अशे दालन हासवानी परिवाराने साकारले असल्याचे मनोगतही यावेळी त्यांनी व्यक्त केले. यावेळी ‘सुरेश कलेक्शन्स् अॅण्ड क्रिएशन’च्या सहकारी वैशाली सपकाळे यांनी महापौर सौ.जयश्री सुनिल महाजन यांचे शॉल देऊन यथोचित स्वागत केले. या प्रसंगी मा.आ.प्रा.चंद्रकांत सोनवणे, सौ.लताताई चंद्रकांत सोनवणे यांच्यासह श्री.विनय पारख व ‘सुरेश कलेक्शन्स् अॅण्ड क्रिएशन’चे सहकारी उमेश बाविस्कर उपस्थित होते.
No comments:
Post a Comment