नालासोपारात शिवसेनेत महिलांचे जोरदार इनकमिंग..!

नालासोपारात शिवसेनेत महिलांचे जोरदार इनकमिंग..!

नालासोपारा, प्रतिनिधी : शिवसेना मुख्य नेते महाराष्ट्राचे उपमुख्यमंत्री एकनाथजी शिंदे साहेब यांच्या विचाराने प्रेरित होऊन, रविंद्र फाटक साहेब उपनेते  संपर्क प्रमुख व जिल्हा प्रमुख निलेश तेंडोलकर साहेब यांच्या मार्गदर्शनाखाली महिला आघाडी शहर संघटक रूचिता नाईक यांच्या नेतृत्वात नालासोपारातील महिलांनी शिवसेनेत जाहीर प्रवेश केला.

शिवसेनेत मोठ्या प्रमाणात इनकमिंग ही सुरु झाले असुन राजकारणातील घडामोडींनी आता वेग घेतला आहे. शिवसेना पक्षाने  पक्ष संघटना बळकट करण्यासाठी आपली बांधणी सुरु केली आहे.

महिला आघाडी शहर संघटक सौ. रूचिता अमित नाईक यांच्या हस्ते महिलांचा भव्य पक्ष प्रवेश सोहळा  नियुक्ती पत्र देऊन पार पाडण्यात आला. तसेच जुन्या शिवसेना महिला पदाधिकारी यांना मोफत प्रशिक्षण व शासनाच्या विविध योजनांची माहिती देऊन मार्गदर्शन करण्यात आले.

यावेळी महिला आघाडी उपशहर संघटक पदी -सौ.भाविका चावडा, विभाग संघटक जया गुप्ता, महिला विभाग संघटक- वंदना ढगे,  समेळगाव शाखा संघटक हेमलता वैती, यशवंत गौरव शाखा संघटक कुसुम रायटीया, मंजु गुप्ता, शाखा संघटक सौ शुक्ला  यांची  नियुक्ती करण्यात आली.

शिवसेना महिला आघाडी संघटन मजबूत झाल्यास तळागाळातील महिलांचे प्रश्न सोडवता येईल एक महिला कुटूंब सांभाळुन प्रत्येक क्षेत्रात यशस्वी झेप घेऊ शकते म्हणुन महिलांनी स्वतःचा आत्मविश्वास वाढवून राजकारणात यावे व निवडणुकीत सहभागी होऊन येणाऱ्या महापालिका निवडणुकीत नालासोपारात महिला आघाडी भगवा फडकवु असा विश्वास महिला आघाडी शहर संघटक   रूचिता नाईक यांनी व्यक्त केला.

यावेळी युवा शहरप्रमुख समीर गोलांबडे, सुप्रिया सावंत, निशा धनवडे, पुजा साटम, शिवानी कदम, सुप्रिया सावंत, साक्षी डांगे अमित नाईक व कार्यकर्ते उपस्थित होते.