प्रसिद्ध अभिनेते देव गिल यांनी केली करोडों रुपयांची फसवणूक !!
पुणे, रवी भिसे : प्रसिद्ध अभिनेते देव गिल यांच्या देव गिल प्रोडक्शनचा अहो विक्रमार्का हा मराठी सिनेमा 30 ऑगस्ट 2024 रोजी प्रदर्शित झाला. या सिनेमासाठी आरती देविंदर गिल, मिहिर कुलकर्णी, अश्विनी कुमार मिश्रा हे प्रमुख निर्माते आहेत तर, इतर १७ जन सहनिर्माते आहेत, त्यापैकी श्रीकृष्ण गोसावी हे एक आहेत.
या सिनेमासाठी श्रीकृष्ण गोसावी यांनी १ करोड १७ लाख रुपये निर्मितीसाठी लावले आहेत. त्या बदल्यात प्रॉफिट मध्ये ३ टक्के शेअर देण्याबाबत करार झाला. नंतरच्या मिटींगमध्ये समंजस्यातून ४ टक्के इतके शेअर मिळतील असे देवगिल प्रोडक्शन कडून श्रीकृष्ण गोसावी यांना मेलवर कळवण्यात आले. मात्र सिनेमा रिलिज झाल्यानंतर देव गिल हे प्रॉफिट बद्दल काहीही सांगण्यास तयार नव्हते, बऱ्याच वेळा कॉल, मेसेज करून देखील त्यावर उडवाउडवीची उत्तरे देत राहिले. सिनेमाने किती पैसे कमवले हे जाणून घेण्याचा पूर्ण अधिकार निर्मात्याला असताना, देव गिल आणि त्याच्या टीम कडून कोणतीही माहिती दिली गेली नाही. शिवाय, या सिनेमाचे बजेट 30 करोड रुपये आहे असे भासवण्यात आले प्रत्यक्षात मात्र या सिनेमासाठी फार कमी खर्च केला गेला.
ठरल्यानुसार सिनेमाने किती आर्थिक धंदा केला आणि त्यात आमचे प्रॉफीट काय हे जाणून घेणे आमचा अधिकार असताना कोणतीही माहिती दिली गेली नाही. ज्या-ज्या वेळी श्रीकृष्ण गोसावी सरांनी देव गिल सोबत संपर्क करण्याचा प्रयत्न केला त्या-त्या वेळी टाळाटाळ केली गेली. एक सह-निर्माता म्हणून श्रीकृष्ण गोसावी यांना अंधारात ठेऊन दिलेल्या रकमेचा कसा कुठे वापर केला या बद्दल काही माहिती व ठरलेला व्यवहार ५ महिन्यानंतरही पूर्ण न करता विश्वास घात आणि जाणून बुजून फसवणूक केली आहे.
माजी पोलीस आयुक्त अमिताभ गुप्ता हे देखील अभिनेते देव गिल यांचे बिझनेस पार्टनर असल्याचे देवगिल सांगतो, त्यांचे नाव वापरून अनेक निर्मात्यांना गंडा घातल्याची शक्यता आहे. अहो विक्रमाक्रा चित्रपटासाठी श्रीकृष्ण गोसावी सरांसोबत अजून १६ सह निर्माते आहेत त्याचींही अशीच फसवणूक केली गेल्याची शक्यता आहे.
