पंचरत्न मित्र मंडळ आर.सी.एफ चेंबूर व यांच्या संयुक्त विद्यमाने कळवा येथे शैक्षणिक साहित्य, खाऊ वाटप !!
**शाळेसाठी कपाट, खुर्च्या, टेबल यांची दिली भेट
मुंबई, (शांताराम गुडेकर) :
राष्ट्रीय केमिकल्स एण्ड फर्टिलाइजर्स लिमिटेड (भारत सरकार चा उपक्रम)आणि पंचरत्न मित्र मंडळ (रजि.) (आर.सी. एफ, चेंबूर, मुंबई- ४०० ०७४) यांच्या संयुक्त विद्यमाने संत अग्रसेन हायस्कूल अँड न्यू कॉलेज, कळवा, ठाणे येथेशनिवार दि. २९ नोव्हेंबर २०२५ रोजी शैक्षणिक साहित्य वह्या वाटप तसेच शाळेसाठी कपाट, खुर्च्या टेबल, सतरंज्या, खेळाचे साहित्य व खाऊ वाटप करण्यात आले. यावेळी प्रमुख पाहुणे म्हणून मा.श्री. अनुपम सोनवणे साहेब महाप्रबंधक-क्रय, संविदा अनुभाग, राष्ट्रीय केमिकल्स अॅण्ड फर्टिलायझर्स लि., चेंबूर, मुंबई,मा.श्रीमती कविता शिकतोडे मॅडम संचालिका-प्रमिला विठ्ठलदास पॉलिटेक्निकल, एस.एन.डी.टी. महिला युनिव्र्व्हसिटी, सांताकृझ (प), मुंबई, मा.डॉ. पवन गिरीधारीलाल अग्रवाल साहेब आंतरराष्ट्रीय व्याख्याते,अध्यक्ष कमलाबाई शैक्षणिक संस्था, मुंबई, तर विशेष पाहुणे म्हूणन मा.श्री.संतोष शिकतोडे साहेब उप अभियंता, नवी मुंबई महानगरपालिका, मा.श्री.भालचंद्र पाटे साहेब अध्यक्ष - स- मुंबई वृत्तपत्र विक्रेता संघ, मुंबई, पंचरत्न मित्र मंडळ अध्यक्ष-अशोक भोईर, सचिव- प्रदीप गावंड, रमेश पाटील- उपाध्यक्ष, सचिन साळुंखे (खजिनदार), वैभव घरत, मॅथ्यू डिसोजा (सहसचिव), सह सचिव -सौ. स्नेहा नानिवडेकर, सदस्य - नीलम गावंड आदी मान्यवर उपस्थित होते.
समाजात विविध क्षेत्रांत लोक कल्याणार्थ कार्यरत असलेल्या सेवाभावी संस्था आहेत. या संघटना एका विशिष्ट हेतूने काम करते यातील स्वयंसेवक स्वेच्छेने व निःस्वार्थीपणे कोणतेही काम व मदत करण्यास तत्पर असतात. या संघटना प्रामुख्याने नैसर्गिक आपत्तींत सापडलेल्यांना अनेक प्रकारे साहाय्य करतात. अन्नधान्य, कपडे, गृहोपयोगी वस्तू, औषधे, वह्या पुस्तके अशा विविध अंगांनी मदतही देतात. यांशिवाय लोकांना मूलभूत हक्कांची जाणीव करून देणे, नागरी सुविधांबद्दल जागरूक करणे, बेरोजगारांना रोजगार मिळवून देण्यास साहाय्य करणेतसेच अन्य अनेक समस्यांची सोडवणूक करण्यासाठी सहकार्य करण्याचे काम पंचरत्न मित्र मंडळ गेली अनेक वर्षे निस्वार्थी पणे करीत आहे. समाजाचे ऋण फेडण्यासाठी सतत अनेक वर्ष कार्यरत असलेल्या आर.सी. एफ कर्मचारी वर्गाच्या पंचरत्न मित्र मंडळ (रजि.) चेंबुरतर्फे अध्यक्ष अशोक भोईर, सचिव प्रदीप गावंड, खजिनदार सचिन साळूखे, उपाध्यक्ष रमेश पाटील, सहसचिव वैभव घरत, सौ. स्नेहा नानीवडेकर, सल्लागार हनुमंता चव्हाण, सदस्य नीलम गावंड आणि सर्व महिला पुरुष कार्यकर्ते, सदस्य आणि सभासद यांच्या प्रयत्नाने अनेक समाजोपयोगी उपक्रम राबविण्यात येतात.
मंडळाचे अध्यक्ष श्री अशोक भौइर, सचिव प्रदीप गावंड, रमेश पाटील, सचिन साळुंखे ,वैभव घरत, सुशील मिस्त्री , रहीम शेख , सचिन राखाडे, सूर्यकांत वासुदेव ,डिसोजा सौ. स्नेहा नानविडेकर व नीलम गावंड,श्री मंदार भोपी मॅथ्यू डिसूझा या पदाधिकारीनि कार्यक्रम यशस्वी होण्यासाठी परिश्रम घेतले.
