घाटकोपर मध्ये मनसे तर्फे ४३६० पेक्षा अधिक विद्यार्थ्यांना वह्या वाटप !

घाटकोपर मध्ये मनसे तर्फे ४३६० पेक्षा अधिक विद्यार्थ्यांना वह्या वाटप !

मुंबई, (शांताराम गुडेकर) :

             मनसे अध्यक्ष राज ठाकरे यांच्या वाढदिवसाचे निमित्त साधत प्रभाग क्रमांक-१२९ शाखाध्यक्ष अरविंद गीते यांच्या वतीने विभागातील विद्यार्थ्यांची वह्या वाटप नोंदणी करण्यात आली होती. यावेळी प्रभागातील ४३६० पेक्षा अधिक विद्यार्थ्यांनी यावेळी नोंद केली. वह्या वितरण कार्यक्रमात मनसेचे सरचिटणीस शिरीष सावंत यांच्या हस्ते वह्या वाटप करण्यात आल्या.मनसे विभाग अध्यक्ष गणेश चुक्कल, उपविभाग अध्यक्ष निलेश जंगम यांच्या मार्गदर्शनाखाली घेण्यात आले. यावेळी महिला शाखाध्यक्ष राधिका तांबे , विजया गीते यांच्यासह कार्यक्रमात विद्यार्थीसह पालक देखील मोठ्या संख्येने उपस्थित होते. कार्यक्रमाची सुरुवात राष्ट्रगीताने करत छत्रपती शिवाजी महाराज यांच्या प्रतिमेला पुष्पहार अर्पण करून सुरुवात करण्यात आली.

लाचखोरीच्या घटना मोठ्या प्रमाणात पण शिक्षा झाल्याचे प्रमाण अत्यल्प !!

लाचखोरीच्या घटना मोठ्या प्रमाणात पण शिक्षा झाल्याचे प्रमाण अत्यल्प !!

मुंबई, प्रतिनिधी : आकर्षक पगार असतानाही वरकमाईसाठी विविध मार्गांचा उपयोग करून सरकारी कर्मचारी सरळसरळ लाच मागतात. अशांवर कारवाई देखील केली जाते. गेल्या साडेचार वर्षांत राज्यात 3 हजार 407 लाचखोरीचे यशस्वी सापळे झाले आहेत. 

त्यामध्ये 4 हजार 649 आरोपींवर गुन्हे दाखल झालेले आहेत. मात्र, यातील फक्त 125 प्रकरणे शिक्षेपर्यंत पोहचली. त्यातील 157 जणांना शिक्षा झाली आहे.

आतापर्यंत झालेल्या शिक्षांमध्ये 25 क्‍लास-वन अधिकाऱ्यांना शिक्षा झाली, तर द्वितीय व तृतीय श्रेणीसह 132 कर्मचाऱ्यांना दोषी मानत न्यायालयांनी शिक्षा सुनावल्या. दिवसेंदिवस लाचखोरीच्या घटनांमध्ये वाढ होत आहेत. ऍन्टी करप्शन विभागाकडून लावले जाणारे सापळेही यशस्वी होतात. पण त्याचे रुपांतर शिक्षेत होण्याचे प्रमाण नगण्य असल्याचे लाचलुचपत प्रतिबंधक विभागाने उपलब्ध केलेल्या माहितीच्या आधारे स्पष्ट झाले आहे. चतुर्थ श्रेणी कर्मचाऱ्यापासून विविध विभागांतील वर्ग-एकच्या अधिकाऱ्यांपर्यंत लाचेची मागणी केल्याचे प्रकार घडत असतात. यात महसूल विभाग नेहमीप्रमाणे लाचखोरीत सर्वांत वर आहे. तर त्याखालोखाल पोलीस खात्याचा नंर लागतो. प्रकरणांमध्ये होणारा तपासात होणारा विलंब हा आरोपींच्या पथ्यावर पडत आहे.

राजर्षी छत्रपती शाहू महाराज यांच्या जयंती दिनी महापालिकेतर्फे अभिवादन !

राजर्षी छत्रपती शाहू महाराज यांच्या जयंती दिनी महापालिकेतर्फे अभिवादन !

कल्याण, नारायण सुरोशी : राजर्षी शाहू महाराज यांच्या जयंती दिनानिमित्त आज महापालिकेतर्फे त्यांच्या प्रतिमेस पुष्पहार अर्पण करुन अभिवादन करण्यात आले. महापालिका मुख्यालयात आयुक्त डॉ.भाऊसाहेब दांगडे यांनी राजर्षी शाहू महाराज यांच्या प्रतिमेस पुष्पहार अर्पण करून अभिवादन केले.

यावेळी उपस्थित अतिरिक्त आयुक्त मंगेश चितळे, सचिव तथा विभागप्रमुख (माहिती व जनसंपर्क) संजय जाधव, उपायुक्त अर्चना दिवे, धैर्यशील जाधव, अतुल पाटील, विनय कुलकर्णी, माहिती व जनसंपर्क अधिकारी माधवी पोफळे, सहा.आयुक्त धनंजय थोरात, सहा.सुरक्षा अधिकारी सुरेश पवार तसेच इतर कर्मचारी वर्ग यांनी देखील राजर्षी शाहू महाराज यांच्या प्रतिमेस पुष्पसुमने अर्पण करून अभिवादन केले.

भिवंडी गुन्हे शाखेच्या पथकाने दोन गुन्हेगारांना अटक करून १४ गुन्ह्याची उकल करत १३ लाखांचा मुद्देमाल केला हस्तगत !!

भिवंडी गुन्हे शाखेच्या पथकाने दोन गुन्हेगारांना अटक करून १४ गुन्ह्याची उकल करत १३ लाखांचा मुद्देमाल केला हस्तगत !!

भिवंडी, दिं,२७,अरुण पाटील (कोपर)

          भिवंडीत धूम स्टाईलने मोटारसायकल वरून सोनसाखळी चोरून धुमाकूळ घालणाऱ्या दोन अट्टल सोनसाखळी चोरट्यांना भिवंडी गुन्हे शाखेच्या पोलिसांनी अटक केली असता चौकशीत त्यांनी तब्बल १४ गुन्ह्यांची कबुली दिली आहे.

          भिवंडी परिमंडळ_२  मधील १२ गुन्ह्यासह ग्रामीण तालुका पोलीस ठाण्यातील २ गुन्हे मिळून, एकूण १४ गुन्हे उघडकीस आणले. १३ लाखाचा सोन्याचा ऐवज भिवंडी गुन्हे अन्वेषण विभागाने हस्तगत केला आहे. भिवंडीतील गुन्हे शाखेच्या पथकातील पोलीस गस्त घालीत असताना, भिवंडी _कल्याण मार्गावरील साईबाबा मंदिरा समोर वेगात दुचाकीने भिवंडीकडे जाणारे दोन संशयित व्यक्ती आढळले.

        तेव्हां त्यांचा पाठलाग करून त्यांना ताब्यात घेऊन चौकशी केली असता ते दोघे शहरातील शांतीनगर पिराणीपाडा येथे राहणारे असून त्यांची नांवे मोहझम नवाज शरीफ अन्सारी (२८) व नियाज अहमद हुसेन शेख (३२) असल्याचे निष्पन्न झाले. त्यांनी साथीदारांसह गुन्ह्याची कबुली दिल्यानंतर त्यांना न्यायालयात हजर करून अधिक तपासासाठी  पोलीस कोठडी घेतली आहे.

         सदर आरोपींनी भिवंडी परिमंडळ-२ मधील शांतीनगर पोलीस ठाणे -४, निजामपूर पोलीस ठाणे-२, भोईवाडा पोलीस ठाणे-१, कोन पोलीस ठाणे-१, निजामपूर पोलीस ठाणे-१, शहर पोलीस ठाणे-३ आणि तालुका पोलीस ठाणे मधील-२ असे एकूण १४ गुन्हे उघडकीस आणून त्या गुन्ह्यातील २६० ग्राम वजनाचे सोन्याचे दागिने व गुन्ह्यातील दुचाकी तसेच इतर ऐवज मिळून १३ लाख रुपये किमतीचा मुद्देमाल केला हस्तगत.                           

             सद्या त्यांच्या इतर साथीदारांचा शोध सुरु असल्याची माहिती गुन्हे शाखेचे वरिष्ठ पोलीस निरीक्षक सचिन गायकवाड यांनी दिली. सदर कारवाई गुन्हे शाखेचे सपोनि विजय मोरे, प्रफुल्ल जाधव, धनराज केदार, पोउपनि राजेंद्र चौधरी, निसार तडवी, सपोउनि रामचंद्र जाधव, रविंद्र पाटील, राजेश शिंदे, पोह मंगेश शिर्के, साबीर शेख, रंगनाथ पाटील, सुनिल साळुंखे, शशिकांत यादव, प्रकाश पाटील, देवानंद पाटील, किशोर थोरात, पोना सचिन जाधव, पोशि सचिन सोनवणे,अमोल इंगळे, जालींदर साळुंखे, रोशन जाधव, प्रशांत बर्वे, भावेश घरत , महिला पोह माया डोंगरे, श्रेया खताळ या पोलीस पथकाने केली आहे.

ठाणे शहरातील विविध विकास कामांचे मुख्यमंत्र्यांच्या हस्ते भूमीपूजन व लोकार्पण संपन्न !

ठाणे शहरातील विविध विकास कामांचे मुख्यमंत्र्यांच्या हस्ते भूमीपूजन व लोकार्पण संपन्न !

*येत्या काळात ठाणे ते बोरिवली अंतर!अवघ्या दहा मिनिटांत* *- मुख्यमंत्री एकनाथ शिंदे*

ठाणे, प्रतिनिधी, दि. 25 - केवळ टोलेजंग इमारतींमुळे शहराचा विकास होत नाही तर, शहरातील नागरिकांना आरोग्याच्या दृष्टीने आवश्यक बाबी, विरंगुळ्यासाठी उद्याने, खेळासाठी मैदाने या महत्त्वाच्या बाबींची गरज आहे. त्यातूनच ठाणे शहरातील चित्र बदलते आहे. रस्ते मोठे झाले, शहराचे सौंदर्यीकरण झाले, शहराचा विकास झपाट्याने होत आहे. ठाणे –बोरिवली टनेलला मंजुरी दिली असून येत्या काही काळात ठाणे ते बोरिवली हे अंतर अवघ्या दहा मिनिटांत पार करणे शक्य होणार असल्याचे प्रतिपादन राज्याचे मा. मुख्यमंत्री ना. एकनाथ शिंदे यांनी रविवारी ठाण्यात केले. 

ठाणे महापालिका क्षेत्रात राज्य सरकारच्या अनुदानातून हाती घेतलेल्या तसेच आमदार प्रताप सरनाईक यांच्या प्रयत्नातून होत असलेल्या ओवळा माजीवाडा मतदारसंघातील विविध विकास प्रकल्पांचा लोकार्पण आणि भूमिपूजन सोहळा मुख्यमंत्री एकनाथ शिंदे यांच्या हस्ते झाला. यावेळी काशिनाथ घाणेकर नाट्यगृहात झालेल्या कार्यक्रमात, राज्याचे आदिवासी विकास मंत्री विजयकुमार गावित, आदिवासी क्षेत्र आढावा समितीचे अध्यक्ष विवेक पंडित, आमदार प्रताप सरनाईक, माजी आमदार रवींद्र फाटक, माजी महापौर नरेश म्हस्के, मिनाक्षी शिंदे, अशोक वैती, माजी नगरसेवक देवराम भोईर, माजी स्थायी समिती सभापती राम रेपाळे आणि संजय भोईर, माजी नगरसेविका परिषा सरनाईक, माजी नगरसेवक पुर्वेश सरनाईक, ठाणे महापालिका आयुक्त अभिजीत बांगर, जिल्हाधिकारी अशोक शिनगारे, मीरा-भाईंदर महापालिका आयुक्त दिलीप ढोले आदी मान्यवर उपस्थित होते.

मुख्यमंत्री श्री. शिंदे म्हणाले की, वाहतूक कोंडीतून ठाणे शहराला मुक्त करण्यासाठी काम सुरू आहे. निरोगी शहर उभे करण्यात येत आहे. त्यादृष्टीने आजचे लोकार्पण आणि भूमिपूजन केले जात आहे. आपल्या शहरांमध्ये अनेक आंतरराष्ट्रीय दर्जाचे खेळाडू तयार झाले पाहिजेत. मुलांमध्ये कौशल्य आहे, त्यांच्यासाठी व्यासपीठ देण्याचे काम राज्य सरकार करीत आहे. विकासाची ही कामे जनतेच्या पैशातून होत आहेत. त्यामुळे त्यात गुणवत्तेत कोणतीही तडजोड होता कामा नये. ठाणे शहरातील वाहतूक कोंडी दूर करण्यासाठी कामे सुरू आहेत. तसेच संपूर्ण ठाणे व मुंबई महानगर प्रदेशात क्लस्टर प्रकल्प राबविण्यात येणार आहे. असे मुख्यमंत्री श्री. शिंदे यांनी या सोहळ्यात स्पष्ट केले. 

कल्याण तालुक्यात सर्पदंश व विंचू दंशाच्या रुग्णांत वाढ, गोवेली ग्रामीण रुग्णालयात उपचार !!

कल्याण तालुक्यात सर्पदंश व विंचू दंशाच्या रुग्णांत वाढ, गोवेली ग्रामीण रुग्णालयात उपचार !!

कल्याण, (संजय कांबळे) : पावसाने सुरुवात केली असल्याने शेतकऱ्यांनी शेतीच्या कामाला सुरुवात केली आहे. अशात सर्प दंश व विंचू दंशाच्या घटनामध्ये वाढ झाली आहे. गोवेली ग्रामीण रुग्णालयात यांच्या वर उपचार करण्यात येत असून नागरिकांनी काळजी घ्यावी असे अवाहन रुग्णालय प्रशासनाकडून केले जात आहे.

सध्या कल्याण तालुक्यात पावसाने चांगली सुरुवात केली आहे. अशावेळी सरपटणारे प्राणी यामध्ये साप, विंचू व इतर यांच्या बिळात पाणी शिरल्याने हे प्राणी बाहेर पडतात, नेमक्या याच वेळी शेतकरी, शेतीची मशागत, तर घरातील महिला लाकूडफाटा सुरक्षित ठिकाणी ठेवतात व ते या प्राण्यांच्या संपर्कात येताच दंश केला जातो. आतापर्यंत गोवेली ग्रामीण रुग्णालयात सर्पदंशाचे ८/१० तर विंचू दंशाचे १०/१२ रुग्णावर उपचार करण्यात आले आहेत. घोटसई, अनखरपाडा, दहागांव, आदी आजूबाजूच्या गावातील हे पेशंट असून ते वेळेवर रुग्णालयात दाखल झाल्यानें त्यांचेवर योग्य उपचार झाले.

काही साप हे खूपच विषारी असतात तर काही बिनविषारी असतात. माणूस केवळ भिती मुळे खूप घाबरतो व त्यातच दगावण्याची शक्यता असते. चावलेला साप व त्याच्याबद्दल ची सर्व माहिती डॉक्टरांना दिली तर ते योग्य व वेळीच उपचार सुरू करून रुग्णांचा जीव वाचविण्यासाठी प्रयत्न करु शकतात. आपण अंधश्रद्धा व इतर ऐकिवात गोष्टी करण्याचा प्रयत्न केला तर मात्र पेंशटसाठी हे धोकादायक ठरू शकते. त्यामुळे असे न करता ताबडतोब रुग्णालयात उपचारासाठी जायला हवे असे वैद्यकीय अधिकारी सल्ला देतात.

बृहन्मुंबई महानगरपालिका एन विभाग व ह्युमॕनिटी ग्लोबल फाऊंडेशन यांच्या संयुक्त विद्यमाने द्रुतगती महामार्गावर वृक्षरोपण !!

बृहन्मुंबई महानगरपालिका एन विभाग व ह्युमॕनिटी ग्लोबल फाऊंडेशन यांच्या संयुक्त विद्यमाने द्रुतगती महामार्गावर वृक्षरोपण !!

मुंबई, (शांताराम गुडेकर) :

               बृहन्मुंबई महानगरपालिका एन विभाग व ह्युमॕनिटी ग्लोबल फाऊंडेशन यांच्या संयुक्त विद्यमाने उपनगरातील पूर्व द्रुतगती महामर्गावरील घाटकोपर ते विक्रोळी दरम्यान वृक्षारोपणाचा कार्यक्रम नुकताच  पार पडला. एन वार्डचे सहायक आयुक्त गजानन बेल्लाळे यांच्या हस्ते वृक्षरोपण करण्यात आले. यावेळी महामार्गावर विविध शेकडो प्रजातीची झाडे लावण्यात आली. यावेळी कार्यकारी अभियंता मारुती पवार व उद्यान विभागाचे अधिकारी उपस्थित होते. तसेच ह्युमॕनिटी ग्लोबल फाऊंडेशनचे पदाधिकारी दिपक पवार, संतोष उनवणे, अनंत खडतरे व सहकारी राजेंद्र पुजारी, उदय पुजारी, राकेश बामणे, सुभाष भातुसे, सुनिल पाटिल, शिवाजी पिंपळे, प्रभाकर कुटे, विजय गड्डम, मनिष पालांडे, अमोल माईल उपस्थित होते. लायन्स क्लब आॕफ मुंबई सिल्व्हर ओक यांनी कार्यक्रमाला सदिच्छा भेट दिली.