जेष्ठ नागरिक संघ अध्यक्षा सौ. कांचनताई बुटाला यांचा सत्कार.

रायगड जिल्हा जेष्ठ नागरिक संघाची समनव्य समिती तर्फ़े पोलादपूर जेष्ठ नागरिक संघ अध्यक्षा सौं. कांचन ताई बुटाला यांचा सत्कार

पनवेल - (प्रतिनिधी)
        पनवेल जेष्ठ नागरिक संघ सभागृहात रायगड जिल्हा जेष्ठ नागरिक संघाची वार्षिक सर्व साधारण सभा, तसेच सत्कार समारंभ आयोजित करण्यात आला होता. पोलादपूर जेष्ठ नागरिक संघ अध्यक्षा सौं. कंचनताई बुटाला यांचा सत्कार करणयात आला. या वेळी फेस्कॉम अध्यक्ष रमेश पारखे, सचिव शाम पाटील , रायगड जिल्हा जे.ना.सं. अध्यक्ष सुभाष मेहता , उपाध्यक्ष सुभाष शेठ, सचिव पाटील सर, पनवेल जे.ना.सं.अध्यक्ष नंदकुमार जोशी व इत्यादी मान्यवर उपस्थित होते. या ठिकाणी सर्व रायगड जिल्हा जेष्ठ नागरिक संघाचे प्रतिनिधी व पदाधिकारी उपस्थित होते.

महाराष्ट्र राज्याचे भाजपा युवा मोर्चाचे सचिव परेश गुजरे यांची मीरा-भाईंदर प्रभारी पदी नियुक्ती

टिटवाळयाचे व महाराष्ट्र प्रदेश भाजपा युवा मोर्चाचे सचिव परेश गुजरे यांची मीरा-भाईंदर प्रभारी पदी नियुक्ती
टिटवाळा  : (जैनेन्द्र सैतवाल)
               टिटवाळयातील एक युवा नेतृत्व व सतत हसतमुख, मनमिळाऊ, नम्र, मितभाषी, व भाजपा युवा मोर्चाचे महाराष्ट्र प्रदेश सचिव परेश गुजरे यांची नुकतीच मीरा-भाईंदर प्रभारी पदी नियुक्ती करण्यात आली आहे. या मुळे टिटवाळयातील युवा वर्गामध्ये काम करण्याचा जोश उत्पन्न झाला आहे.
              विकासाला साथ या धोरणाने प्रभावित होऊन त्यांनी भाजप मध्ये आपल्या कार्याला पूर्णपणे झोकून दिले. त्यांचा सर्वाना सोबत घेऊन, नम्रतेने सर्वांना आपलेसे करून त्यांच्या या वेगळ्या कार्य पद्धतीने त्यांनी युवा वर्ग संघटित केला. यामुळे महाराष्ट्र प्रदेश भाजप युवा मोर्चा सचिव, व्हॅलेंटेअर प्रोग्रामच्या महाराष्ट्र संयोजक पद त्यांना सन्मानाने मिळाले.
           या पदांवर असताना नवीन काय करता येईल याचा ध्यास मनाशी बाळगून त्यांनी कार्य सुरू ठेवले आहे. त्यांची ही कार्यपद्धती बघून त्यांच्यावर अजून एक जबाबदारी देऊन, " मीरा-भाईंदर जिल्हा प्रभारी " म्हणून पक्षाने  परेश गुजरे यांची नियुक्ती केली आहे.
           या नियुक्ती बद्दल सर्व स्तरातून त्यांना शुभेच्छा दिल्या जात असून अभिनंदनाचा वर्षाव होत आहे.

मुरबाड येथे प्लास्टिक बंदी विरोधात कारवाई.

मुरबाड नगर पंचायत हद्दीत प्लास्टिक बंदी विरोधात धडक कारवाई.

३ टन अवैध प्लास्टिक जप्त,तर २५ हजार रुपये दंडात्मक रक्कम वसुल.

मुरबाड -  मंगल डोंगरे
             प्लास्टिक व प्रदूषण मुक्त महाराष्ट्र सरकारने जोरदार धडक मोहीम हाती घेतली असुन त्या अंतर्गत आज मुरबाड शहरात महाराष्ट्र प्रदूषण नियंत्रण महामंडळाने टाकलेल्या धाडीत सुमारे ३ टन प्लास्टिक पिशव्यांचा मुद्दे माल ,पाच जणांवर कारवाई व २५ हजार रुपये दंड वसूल करण्यात आला आहे.
          ज्या प्लास्टिक व अविघटनशिल पदार्थांमुळे प्रदूषण पसरले जाते,पावसाळ्यात नाळे तुडुंब भरून पुर सद्रुष्य परिस्थिती निर्माण होवून त्याचा सर्वसामान्य जनतेला नाहक त्रास सहन करावा लागतो,त्याचे समुळ उच्चाटन करून महाराष्ट्र सुंदर-स्वच्छ महाराष्ट्रासाठी प्लास्टिक बंदी कायदा २०१८ नुसार वापर ,साठा व विक्री करणा-यांवर कडक कारवाई साठी पथके तयार केली आहेत. हि पथके नगर पंचायत, नगर परिषद,नगर पालिका, महानगरपालिका, या क्षेत्रामध्ये कारवाई साठी जाताना साध्या वेषातील पोलीस, नगर पंचायत चे अधिकारी असा फौजफाटा सोबत घेवुन अजून १५ दिवस सदर मोहीम चालू ठेवणार आहेत.प्रथम अपराध ५०००/- ₹ दंड,दुस-यांदा सापडल्यास १००००/-₹ तिस-यांदा प्लास्टिक विक्री, अथवा साठा किंवा वापर करताना आढळल्यास २५ हजार रुपये दंड आणि कायदेशीर कारवाई करणार असल्याचे क्षेत्रीय अधिका-याने सांगितले.आज मुरबाड येथे टाकलेल्या धाडीत क्षेत्रीय अधिकारी किरण मळभागे,डॉ. राजेंद्र राजपुत,सौ.अरुणा रोकडे,मुरबाड नगर पंचायत चे वरिष्ठ लिपीक दत्ता डोहळे हे सहभागी झाले होते.आजच्या या कारवाई मुळे मुरबाड मधील व्यापारी वर्गाचे धाबे दणाणले आहे.तर प्लास्टिक पिशवीला पर्याय उपलब्ध नसल्याने ग्राहक वर्गात नाराजी पसरली आहे.मात्र आपले शहर प्लास्टिक मुक्त करण्याचा फतवा नगर पंचायतीने काढल्याने दुकानदारांसह ग्राहकांची पंचायत झाली असल्याची ओरड सुरू आहे.

कंडोमनपा च्या 'जे' प्रभाग कार्यालयावर मोर्चा

कल्याण येथे डॉ. बाबासाहेब आंबेडकर राष्ट्रीय परिवर्तन पक्षाचा ‘जे’ प्रभाग कार्यालयावर मोर्चा

कल्याण- (इम्तियाज खान)
                 कल्याण डोंबिवली महानगरपालिकेच्या ‘जे’ प्रभाग क्षेत्र कार्यालयाच्या हद्दीतील एका अनधिकृत बांधकामावर कारवाई करण्याच्या मागणीसाठी गुरुवारी डॉ. बाबासाहेब आंबेडकर राष्ट्रीय परिवर्तन पक्षाच्या वतीने मोर्चा काढण्यात आला. डॉ. बाबासाहेब आंबेडकर राष्ट्रीय परिवर्तन पक्षाचे राष्ट्रीय अध्यक्ष नरसिंग गायसमुद्रे, उपाध्यक्ष जयपाल कांबळे आदींच्या नेतृत्वाखाली हा मोर्चा प्रभाग कार्यालयावर धडकला. कोणतेही स्थगिती आदेश नसतानाही महापालिका सदर बांधकामावर निष्कासनाची कारवाई करण्यात टाळाटाळ करीत असल्याचा आरोप मोर्चाच्या वतीने करण्यात आला. दरम्यान, प्रभाग क्षेत्र अधिकाऱ्यांनी महापालिकेच्या वकिलांचा अभिप्राय आल्यानंतर पुढील कारवाई करण्यात येईल, असे लेखी आश्वासन यावेळी दिले.
       कल्याण डोंबिवली महापालिका क्षेत्रात अनेक ठिकाणी खुलेआम अनधिकृत बांधकामे सुरु आहेत. अशाच कल्याण पूर्वेतील वालधुनी भागातील शिवाजीनगर येथे इक्बाल अहमद अब्दुल हकीम शेख यांची अडीच गुंठे जागा आहे. सदर जागेवर एका इसमाने अनधिकृतपणे पत्र्याचे शेड बांधले. सदर शेडवर पाठपुरावा करूनही कारवाई होत नव्हती. सदर प्रकरण न्यायालयात गेल्यानंतर उच्च न्यायालयाने पुढे दि. २२ फेब्रुवारी २०१७ रोजी स्टे उठवून जागा मालक शेख यांच्या बाजूने निकाल दिला. तरी महापालिकेकडून सदर बांधकामावर कारवाई होत नसल्याने आज सिद्धार्थनगर येथील बुद्धविहार येथून ‘जे’ प्रभाग क्षेत्र कार्यालयावर मोर्चा नेण्यात आला.
      यावेळी  बांधकामावर निष्कासनाची कारवाई करण्यात टाळाटाळ करीत असल्याचा आरोप प्रभाग क्षेत्र अधिकारी व महापालिका प्रशासनाच्या विरोधात घोषणाबाजी करण्यात आली. मोर्चाच्या शिष्टमंडळाने प्रभाग क्षेत्र अधिकारी भागाजी भांगरे यांची भेट घेतली असता त्यांनी महापालिकेच्या वकिलाकडून सदर बांधकामाबाबत लेखी अहवाल आल्यानंतर लगेच पुढील कारवाई करण्यात येईल असे आश्वासन दिले. ठाणे जिल्हा सचिव उषा गमरे, उपाध्यक्ष राहुल मगरे, अजय शाम मौर्य,  सुरेश पॉल,  निसार शेख, आदित्य चिकटे यांच्यासह ज्युबिली पार्क येथील रहिवाशी मोठ्या संख्येने मोर्चात सहभागी झाले होते.
       यावेळी प्रभाग क्षेत्र अधिकाऱ्यांनी दिलेल्या आश्वासनाप्रमाणे मुदतीत सदर बांधकामावर कारवाई न झाल्यास पुढील आंदोलन महापालिकेच्या मुख्यालयासमोर तीव्र आंदोलन करण्याचा इशारा पक्षाचे नेते नरसिंग गायसमुद्रे यांनी दिला आहे.

महात्मा गांधी व लालबहादूर शास्त्री यांना पोलीस बॉईज असोसिएशन तर्फे अभिवादन

महाराष्ट्र पोलीस बॉईज असोसिएशन तर्फे महात्मा गांधी व लालबहादूर शास्त्री जयंती निमित्त अभिवादन

औरंगाबाद - २/१०/२०१८
                आज रोजी अहिंसेचे पुजारी, राष्ट्रपिता महात्मा गांधी व भारताचे माजी पंतप्रधान लालबहादूर शास्त्री यांच्या जयंती निमित्त शहागंज येथे त्यांच्या प्रतिमेस पुष्पहार अर्पण करून या दोन्ही थोर नेत्यांना आदरांजली वाहण्यात आली.
             या वेळी उपस्थितांना मार्गदर्शन करतांना महाराष्ट्र पोलीस बॉईज असोसिएशन चे संस्थापक-अध्यक्ष रवी वैद्य यांनी मनपा च्या भोंगळ कारभारा विषयी नाराजी व्यक्त केली. या परिसरात घाणीचे साम्राज्य, तुटलेले दिवे, सकाळीच केलेली रंग-रंगोटी, या बद्दल उपस्थितांनीही नाराजी व्यक्त केली.
              या कार्यक्रमास संस्थापक-अध्यक्ष रवी वैद्य, मराठवाडा संपर्क प्रमुख राज ठाकरे, मराठवाडा उपाध्यक्ष गोकुळ दाभाडे, महिला मराठवाडा अध्यक्षा सुनीता क्षत्रिय, प्रवक्ता माधुरी चौधरी, जिल्हा अध्यक्ष शिरीष चव्हाण, मनोज गांगवे, उद्योग आघाडीचे धोपटे मामा, सय्यद अफरोज, ऋषी पेटकर, दीपा बोधे, व कार्यकर्ते उपस्थित होते.

अज्ञात व्यक्तींनी झेन गाडीच्या फोडल्या काचा.

समाजकंटकानी केली चारचाकी गाडीची तोडफोड

टिटवाळा - २/१०/१८
              येथील हरिओम व्हॅली रस्त्यावर असलेल्या पी. टी. आर.एस.शाळेच्या बाजूला साई संकुल आहे.  येथील संजय कोंडीबा जाधव यांच्या मालकीची झेन गाडीच्या काचा अज्ञात समाजकटंकानी मध्यरात्रीच्या सुमारास फोडल्या.
सदर घटनेबाबत अज्ञात व्यक्तिविरुद्ध टिटवाळा पोलिस स्टेशनला गुन्हा दाखल केला आहे.

टिटवाळयात यशोदीप संस्थेने साजरी केली, महात्मा गांधी व लालबहादूर शास्त्री जयंती

राष्ट्रपिता महात्मा गांधी व लाल बहादुर शास्त्री यांना जयंतीनिमित्त विनम्र अभिवादन.

टिटवाळा - (महेंद्र हाडवले)
            टिटवाळ्यातील शैक्षणिक क्षेत्रात सातत्याने   नाविण्यपूर्वक उपक्रम राबविणाऱ्या यशोदीप संस्थेतर्फे राष्ट्रपिता महात्मा गांधी यांची जयंती साजरी करण्यात आली.
विद्यार्थ्यानी स्वत: रेखाटलेले महात्मा गांधी  यांचे चित्र,विविध सामाजिक संदेश, स्वछतेचे संदेश हातात घेऊन संस्थेत आले होते.
या वेळी शिक्षकांनी विद्यार्थ्याना महात्मा गांधी यांचे बद्दल माहिती सांगून त्यांचे सत्य,अहिंसा आणि शांतीचे विचार व माहिती सांगितली..